Extrait de l’union conclue entre Rothenbourg et Schwäbisch Hall
le 10 novembre 1397

« Wan das ist, das wir sölich stete, fürtregentlich triüwe und früntschaft langzite untz her erkant und erfunden haben und noch erfinden und erkenne söllen in künftigen ziten mit hilffe dez almechtigen gotes, in unsern lieben getriüwen fründen und nachgeburn, den ersamen, fürsichtigen und wysen burgermeistern und räten und burgern gemeinlich der stat zu Rotenburg uff der Tuber gelegen, und darumb und auch umb sölich irrsale, widerwertig leuffe und ra(u)bery, die by in und umb uns in gegende und lande uferstanden sind und teglichs uf erstenden, so haben wir angesehen sölich liebe, trieüwe und früntschaft und haben uns mit in einhelliclich mit wolbedauhtem mute und guter wissent mit rehten guten trieüwen on allerslaht geverde, einer brüderschaft gen einander versprochen und vertriüwet, versprechen und vertriüwen in craft ditz briefs drie gantze iar die nehsten nacheinander nach datum ditz briefs, und haben auch alle vor und nachgeschriben getriüwe, bruderschaft, geding und artikel, als in disem brief begriffen ist, zu got und den heiligen mit ufgeboten vingern gelerte eyde gesworn, war, veste und stete zu halten, als die von wort ze wort in sich an disem brief vor und nach geschriben stet on alle geverde… » ¹⁵⁰³