SERMO 4 (=RLS n° 871), inédit.

Sermon du légat au parlement des prélats parisiens, lorsque les barons conspirèrent contre l’Eglise

Sermon donné entre le 17 février et le 31 mars 1247.

Ces temps-ci, les oeufs des vipères ont réellement éclos, et ce qui était demeuré caché éclate au grand jour; les projets longtemps couvés viennent à exécution:

1. la fureur des barons et leur surdité aux commandements de l’Eglise ressemblent à celles des vipères;

2. il faut cependant avoir confiance, car ils ont tissé leur toile tels des araignées, mais ces toiles se rompent très facilement;

3. il faut toutefois se méfier, car des oeufs écrasés sort un serpent.

Ms O, f. 297va-297vb.

Sermo legati in parlamento prelatorum parisiensium quando barones conspirauerunt contra ecclesiam.

Ysa. lix°: Oua aspidum ruperunt et telas aranee texuerunt. Qui comederit de ouis eorum morietur et quod confotum est erumpet in regulum ²⁷⁵⁴ .

Vere hiis temporibus oua aspidum ruperunt.. Que et usque ad hec tempora occulta fuerant uenerunt in apertum, et reuelate sunt multorum cordium cogitationes, et os putei abyssi ²⁷⁵⁵ quod quasi clausum fuerat usque modo, nunc apertum est, id est consilia profunda uenerunt in lucem.

In ouis latent pulli, donec rumpantur oua. Tunc apparet quod diu confotum fuerat et incubatum. Ideo per ouaocculte cogitationes malignantium designantur, que ad tempus latitant et confouentur, ut postea ueniant in apertum, et dantur executioni que fuerant cogitata.

1. Aspis ut dicit Psalmista obturat aures suas: Furor illis secundum similitudinem serpentis et sicut aspidis surde et obturantis aures suas ²⁷⁵⁶ . Vere furor baronum est in similitudinem aspidis. Ad hoc enim intendunt ut (f. 297vb) obstruant aures suasper inobedientiam, et mandata ecclesie non audiant obediendo. Oua, id est consilia istarum aspidum, nuper in parlamento habito Parisius ruperunt, quando quod diu cogitauerant aperuerunt et manifestauerunt et ordinauerunt: quomodo uelut filii Belyal iugum ecclesie abicerent a ceruicibus suis ²⁷⁵⁷ , et uincula dirumperent, id est sententias prelatorum.

2. Sed non est diffidendum, quia subiungit propheta: telas aranee texuerunt. Tele aranee quadam industria naturali uelut arte quadam subtilissima et mirabili texuntur. Sed que subtiliter et multo tempore texte sunt, de facili et in momento dissipantur et rumpuntur. Sic confidendum est de Dei misericordia quod ista que tam astute machinata sunt, de facili dissoluantur ²⁷⁵⁸ , ita quod tele iste non erunt eis in operimentum, et quod opera eorum erunt opera inutilia. Et non est dubitandum quod qui comederit de ouis istis, id est qui consenserit actibus eorum et consilio, morietur, id est peccabit mortaliter.

3. Tamen auertendum est quod subiungitur, scilicet quod confotum est erumpet in regulum. Et ideo obuiandum est quam cicius poterimus huic malo. Propter hoc uocauimus uos et fecimus uos hic conuenire, ut apponatis consilium et cito sine dilatione, dum res adhuc tenera est, et quasi in principio. Principiis obsta, sero medicina paratur, dum mala per longas inualuere moras.

Rogemus ergo angelum magni consilii Ihesum Christum Dominum nostrum ut ipse det nobis super isto negocio et aliis negociis contingentibus ecclesiam suam consilium salutare, qui viuit in secula seculorum Amen.