SERMO n° 64 (RLS n° 52a ⁴⁴⁰⁷ ), inédit.

Pour la nativité du Seigneur.

Sermon donné le 25 décembre 1269 ou 1270 ⁴⁴⁰⁸ .

1. Parut un édit de César Auguste, ordonnant le recensement de tout le monde habité ⁴⁴⁰⁹ . Le Seigneur a voulu naître à l’époque même où un seul homme dominait l’univers; il convenait en effet que le verbe incarné de Dieu réforme ce que le péché de l’homme avait déformé; la justice même d’un homme pur n’aurait pas suffi, ni la force du seul verbe: un tel péché d’orgueil devait être racheté par une suprême humilité; l’homme avait voulu s’élever au niveau de Dieu; Dieu devait descendre jusqu’à l’homme; aucun autre que Lui ne pouvait procéder à cette réforme, nul autre nom que Dieu ne convenait à l’homme qui en fut chargé; Il devait naître pour tout recréer au moment même où le premier moanrque humain règna réellement, car auparavant, la monarchie au sens exact n’existait pas, la prophétie du Psaume fut alors réalisée: Et l’aimé semblable au fils de la Licorne ⁴⁴¹⁰ ; l’aimé, c’est à dire le fils de Dieu, semblable au fils de la Licorne , c’est à dire licorne lui-même, autrement dit un monarque; le Christ a fondé sur terre son sanctuaire , se réfugiant dans le sein de la Vierge pour devenir agneau comme la Licorne a abandonné toute sauvagerie en reposant sa tête sur le sein virginal; mais la corne figure aussi dans l’Ecriture les royaumes et les rois qu’Il dirige, intervenant de façon providentielle en exaltant les uns et détruisant les autres, sans se montrer directement car les fléaux divins seuls appraissent, non Celui qui en est cause; pour rendre visible la royauté de celui qui naissait, son apparition a coïncidé avec la première véritable monarchie, et pour signifier que tous devaient le servir, il est né au moment même où l’impôt était exigé de tous les hommes sans exception;

2. de même, il a voulu naître dans la ville de David, à Bethléem, pour réaliser la prophétie messianique qui avait été faite à la descendance de David dont il était issu; pour éviter tout doute sur la nature de cette promesse, qui ne s’adressait pas à Salomon ou un roi quelconque de la souche de David, au pouvoir définition instable et temporaire, son royaume fut comparé à la lune et au soleil ⁴⁴¹¹ ;

3. il faut aussi noter que la Vierge a enveloppé l’enfant dans des linges et l’a mis dans la crêche, comme on peut le lire et le voir représenter ⁴⁴¹² ; cela pour signifier la fragilité toute enfantine de sa chair; la mer qu’est le Christ, de qui tout part et à qui tout revient, s’est incarnée dans l’utérus virginal puis fut enveloppée de linges dans la crèche, pour exprimer sa double mission: il venait labourer nos coeurs et en extirper les mauvaises herbes pour y semer le bon grain; prendre en charge nos péchés jusque sur la croix; c’est pour quoi le boeuf et l’âne sont présentés liés à la crèche: l’un sert aux labours, l’autre porte les fardeaux; les apôtres qui ont reconnu le Christ ont labouré et ensemencé le coeur des hommes et pris en charge leurs fardeaux, au contraire des Juifs incrédules et infidèles qui ont nié Celui qui les avait rachetés et nourris; ne soyons pas comptés au nombre des Juifs, mais plutôt de ceux qui reconnaissent qu’Il nous anourris en nous liant à sa crèche, c’est à dire à l’église romaine.

Ms R6 , f. 212rb-213va.

Sermo in natiuitate Domini. Luc. ii° ⁴⁴¹³ : Exiuit edictum a Cesare Augusto ut describeretur uniuersus orbis ⁴⁴¹⁴ .

1. Tali tempore voluit Dominus nasci quo unus homo orbi hominum dominabatur, ut per hoc ostenderetur quod ille nascebatur, qui dicit per prophetam: Meus est enim orbis terre et plenitudo eius ⁴⁴¹⁵ , qui est verus monarcha, cui flectitur omne genu celestium, terrestrium et infernorum ⁴⁴¹⁶ . Congruum enim erat ut ille, per quem omnia facta sunt, omnia reformaret, et quia per peccatum hominis omnia fuerant deformata, omnia per iusticiam hominis reformarentur, et ideo ea que creata fuerant per verbum Dei, postea tempore congruo et a Deo preordinato, recrearentur per verbum factum carnem, id est per verbum factum hominem.

Iusticia enim hominis puri, vel alicuius cuiuscumque creature, ad hoc non suffecisset, iusticia verbi tantum ad hoc non congrueret. Non enim congruum erat quod tantus contemptus sine emenda seu satisfactione dimmittetur vel relaxaretur, et tanta superbia per qualemcumque humilitatem, et iusticia exigebat ut qui peccauerat, puniretur in propria persona, vel saltem in filio suo seu in semine suo, et quod esset homo. Et quia homo purus ad hoc non sufficiebat, cum superbia tanta fuisset ut homo voluerit esse Deus, congruum fuit ut tanta superbia expiaretur per humilitatem, qua Dominus non tantum vellet esse homo sed fieret homo, ut sicut homo appetiit ascendere ad alta Dei et non potuit, sic Deus descenderet ad infima hominis siue vellet descendere ad infima hominis cum effectu.

Et qui dicit per prophetam: Gloriam meam alteri non dabo ⁴⁴¹⁷ , gloriam reformationis alteri dare noluit creature, scilicet que non esset Deus, ne creatura coleretur pro Deo, et ideo homini dedit nomen quod est supra omne nomen, id est ut nominaretur et esset Deus. Si enim ei dedisset ⁴⁴¹⁸ hoc nomen: Deus, et non esset Deus, nomen sic datum non esset supra omne nomen, quia esset nomen vanum et non verum. Voluit ergo ille qui omnia creauerat a principio, et qui natus erat a Patre ab eterno, [ut] ⁴⁴¹⁹ nasceretur in tempore a Deo preordinato ut omnia recrearet; et ut ostenderet quod ille nascebatur qui erat verus monarcha, non tantummodo hominum, sed etiam angelorum, voluit nasci tempore quo primus monarcha hominum obtinuit monarchiam.

Antea enim nullus monarchiam obtinuit. Tunc enim adimpletum fuit quod predictum fuerat per prophetam: Et dilectus quemadmodum filius unicornium ⁴⁴²⁰ . Dilectus , id est filius Dei: filius dicitur a filos, quod est amor. Sicut enim Deus Pater antonomastice Pater dicitur, sicut apostolus dicit: Flecto genua mea ad Deum Patrem a quo omnis paternitas in celo et in terra ⁴⁴²¹ , sic et filius Dei antonomastice dicitur dilectus , et nomine dilecti intelligitur per antonomasiam. Et iste filius factus est quemadmodum filius unicornium, id est unicornis, id est monarcha. In quantum enim genitus et increatus, monarcha erat omnium, sed in quantum factus est, monarcha, hoc est unicornis. Tunc enim adimpletum fuit: Et edificauit sicut unicornis sanctificium suum in terra ⁴⁴²² . Unicornis enim inclinato capite in gremio virginis omnem feritatem deponit, et ad mansuetudinem deducitur. Sic filius Dei declinans se in gremium virginale omnem feritatem deposuit, factus mansuetus ut agnus, sicut dicit Ieremias in persona ipsius: Ego quasi agnus mansuetus qui portatur ad victimam ⁴⁴²³ . Et Ysayas de eo predixerat: Quasi agnus coram tondente se obmutescet ⁴⁴²⁴ , quando tonsus fuit a missis apostolis, qui ei ut capilli capiti adherebant. Ad hoc enim ut in quantum homo ⁴⁴²⁵ (f. 212vb) esset unicornis, edificauit sanctificium suum in terra, id est in beata Virgine, quam fundauit in secula ut non ruat et ut non inclinetur in seculum seculi per aliquod peccatum. Cornu regnum significat in scriptura, cantico Abacuch: Cornua in manibus eius ⁴⁴²⁶ , id est Dei, id est: regna in potestate eius; et ibi, id est in regnis, abscondita est fortitudo eius ⁴⁴²⁷ , id est: Dei, quia fortitudo Dei operatur in regnis, ea destruendo vel per ea alios conculcando, abscondite tamen. Sunt enim flagella Dei que apparent et sunt in palam; flagellans tamen non apparet. Similiter in Zacharia legitur quod vidit quatuor cornua que ventilabant totum mundum ⁴⁴²⁸ , id est quatuor regna principalia, que totum mundum turbauerunt et fugauerunt, et transtulerunt homines de regione in regionem, eos captiuos deducendo. Sic et in Daniele, per decem cornua et per septem cornua et per unum cornu ⁴⁴²⁹ , et regna et reges designati sunt. Similiter in Apocalipsi, et ideo per unicornem, et monarchia et monarcha designantur, quia ab unitate regni est unitas regis.

Unicornis ergo monarcha est. Et ad ostendendum quod ille nascebatur qui monarcha erat, nasci voluit tempore quo totus orbis hominum factus est unum regnum et una monarchia et super eum unus monarcha. Et quia natus delatus fuit in Egiptum et inde postmodum relatus, sicut predictum fuerat de eo, Numeriis xxiiii°: Deus eduxit illum de Egipto cuius fortitudo similis est rinocherotis ⁴⁴³⁰ , id est unicornis, hac de causa ergo, siue ad hoc designandum, voluit Dominus nasci tempore quo uniuersus orbisdescriptus est. Et ad ostendendum quod ille nascebatur cui seruiret totus mundus, et ei teneretur reddere debitum seruitutis, natus est tempore quo tributum ab omni genere hominum uniuersaliter est exactum.

2. Item voluit nasci in ciuitate Dauid, ad ostendendum quod ipse erat de domo et de familia Dauid, cui facta fuerat ⁴⁴³¹ promissio de Christo: De fructu ventris tui ponam super sedem tuam ⁴⁴³² , promittendo propter Dauid servum tuum ⁴⁴³³ , id est propter peccatum ipsius: Non auertas faciem Christi tui ⁴⁴³⁴ , id est: presentiam Messie quem promisisti, non subtrahas nec differas, et subiungit: quod non averter, dicens: Iurauit Dominus Dauid veritatem et non frustrabit eum ⁴⁴³⁵ , vel eam, id est firmiter statuit: De fructu ventris tui ponam super sedem tuam ⁴⁴³⁶ . Et ne aliquis crederet quod hec promissio adimpleta fuisset in Salomone vel in aliquo de filiis eius, ideo alibi loquens Dominus per prophetam de fructu illo dicit: Et thronus eius sicut sol in conspectu meo et sicut luna perfecta in eternum et testis in celo fidelis ⁴⁴³⁷ .

Regnum enim Salomonis cito euanuit et mutabile fuit, similiter et regnum illorum qui a Dauid descenderunt. Et quia iste qui nascebatur non tantummodo erat rex vel pastor futurus, sed etiam refectio suorum, ideo in Bethleem nasci voluit, quod interpretatur domus panis ⁴⁴³⁸ , que et Esfrata dicta est, que interpretatur videns furorem ⁴⁴³⁹ , quia vidit et experta est postmodum furorem Herodis in interfectione filiorum suorum.

3. Et nota quod beata virgo puerumpannis inuoluit et reclinauit in presepio ⁴⁴⁴⁰ . Et quare hoc? Ad ostendendum quod carnem passibilem habebat et fragilem, sicut et ceteri infantes. Tunc impletum fuit quod dixit Dominus ad Iob xxxviii°: Quis conclusit ostis mare ? ⁴⁴⁴¹ Mare Christus, a quo exeunt omnia bona et ad eum reuertuntur. Ipse enim est alpha et omega. Omnia enim flumina intrant mare et mare non redundat. Omnes creature ad ipsum redeunt, suo modo ei seruiendo, sed ex hoc non fit ditior neque habundantior, sicut ex hoc quod ab eo exeunt non diminuitur nec fit pauperior vel minus habundans. Hoc mare conclusit Dominus in utero virginali, ostiis dupplicis virginitatis siue integritatis corporalis et mentalis, et erumpere illud fecit, quasi de vulua procedens ⁴⁴⁴² in die natiuitatis ex virgine, et posuit nubem vestimentum eius , id est humanam carnem leuam ⁴⁴⁴³ (f. 213rb) ab oneribus peccatorum, et caligine illius quasi pannis infantie ⁴⁴⁴⁴ inuoluit illud. Propter enim passibilitatem qua obscuratus fuit, inuolutus fuit pannis infantie, id est pannis quibus inuoluuntur infantes. Reclinatus fuit etiam in presepio ut ostenderetur impletum quod Dominus dixerat ad Iob xxxix°: Numquid volet rinocheros seruire tibi aut morabitur ad presepe tuum ? ⁴⁴⁴⁵ Deus enim Pater misit filium suum in carnem ut seruiret nobis, unde ipse dicit per Ysayam: Seruire me fecisti in iniquitatibus tuis ⁴⁴⁴⁶ , supple: mundandis. Et potuit vere dici de eo quod dicit Dauid de Ioseph: Manus eius in cofino seruierunt ⁴⁴⁴⁷ . Et moratus est ad presepe reclinatus in eo, ut ostenderet quod ad duo principaliter veniebat: ad excolendum corda nostra, extirpando malas herbas et ferendo bonum semen, et ad supportandum onera nostra, id est peccata nostra que tulit in corpore suo super lignum.

Dicitur enim et in pictura representatur quod illi presepio ligati erant bos et asinum. Bos enim utilis est ad excolendum terram, et asinus ad onera supportanda, et videtur hoc tangere Ysayas, cum dicit: Cognouit bos possessorem suum et asinus presepe domini sui; Israel autem me non cognouit ⁴⁴⁴⁸ . Apostoli enim et alii qui adheserunt Christo eum recognouerunt Dominum, in hoc quod ad imitationem ipsius laborauerunt excolere corda hominum et eorum onera supportare; Israel autem, id est Iudei increduli et infideles, eum non cognouerunt possessorem suum qui eos emerat, nec eum esse Dominum suum qui eos pauerat.

Non simus fratres de numero Iudeorum, sed potius recognoscamus Deum possessorem nostrum, qui nos emit pretio magno, et iam non simus nostri, et recognoscamus quod ipse pauit nos et ligauit ad presepe suum, refertum pabulo spirituali et corporali, specialiter ad ecclesiam romanam, et non recalcitremus ⁴⁴⁴⁹ nec presepe istud dilaceremus, sed potius sollicite inquiramus que sit voluntas eius, et eam faciamus.