SERMO 6

Ms : Canterbury, Cathedral Archives Lit. Mss. D 7, 11ra.

|11 ra| [marg.] Feria secunda Pasce apud Sanctum Iacobum, frater Iordanis.

Nonne cor nostrum ardens erat in nobis ¹²⁵⁹ de Ihesu.

1. Felix qui feliciter ardet de Ihesu.

2. Huius ardoris sunt sufflatoria tria, sustinentia doloris, exibitio amoris, communicatio bonitatis, quia tribuit naturalia, porrigit gratuita, promittit eterna. Miseretur ¹²⁶⁰ enim set commodat ¹²⁶¹. Vnde tenebatur reddere iustitiam in quattuor, nos per patientiam sustinendo. Gregorius : "Debemus patientiam erubescere, si nolumus iustitiam formidare, que tanto grauius quanto contemptus amplius uocare dignasti¹²⁶²." Vnde Prouerbiorum : Vocaui et rennuistis ¹²⁶³. Et ne per impotentiam se excusarent, sequitur : Extendi manum meam etc.¹²⁶⁴. Et ne per imperitiam, sequitur : Et omne consilium ¹²⁶⁵. Vnde quia per malitiam sequitur : Et increpationes meas neglexistis ¹²⁶⁶, set quod sequitur : Ego autem¹²⁶⁷, etc. Ecce sufflatoria, ab aquilone, meridie, oriente et occidente ¹²⁶⁸.

3. Set sunt qui ardent non de Ihesu, set in terrenis terram accendentes in corde uel consanguineorum, ex quibus fetor. Vnde in corde habent infernum.

Alii, quod mirabilius est, ardent aquis cupiditatis, ut uere quod intrauerunt aque ¹²⁶⁹ usque ad animam meam ¹²⁷⁰, quod significatum est, cum stella¹²⁷¹ excidit de celo, cui nomen absinthium¹²⁷², incidit in tertiam partem aquarum, id est in usum temporalium. Prima pars est potentia, secunda scientia, tertia utilitas uel usus. Ibi enim spiritualiter est peccatum, tamen in quibusdam cadit, id est in totas aquas. Mira cecitas, quod ymaginem Dei non uidemus in temporalibus, set nostrum, uertentes Deo tergum non faciem ¹²⁷³, set etiam ipse uertet nobis tergum et non faciem, ut dicit Ieremias. Cum uenerit tribulatio, etc ¹²⁷⁴ .

4. Exstinguitur ardor spiritualis in medio. Medium est lignum uite, de quo in Apocalypsi : Dabo ei edere de ligno uite quod est in paradyso ¹²⁷⁵, scilicet amore spirituali.

Et Apostolus : Nolite Spiritum extinguere ¹²⁷⁶, aqua et uento. Aqua est timor fragilitatis, deliberatio concilii, proponit maiorem utilitatem¹²⁷⁷ † uite de medio. † Nota quod diabolus assumit testimonium Scripture per os peccatoris, sicut et ipse usus est auctoritate contra Dominum in temptationibus dierum : Omnia faciunt cum consilio, etc.¹²⁷⁸Dispone iter ad bellum, ibi multa consilia, ibi salus. Set sicut ipse dixit cuidam, ipse cognouit signum uestrum, homo numquam in eadem statu permanet, et secundo per deliberationem queritur dilectionem sicut finxit se et gerens persona alterius, dixit : Hoc genus demoniorum eicitur ¹²⁷⁹, et ita distulit eiectionem. Mentitur quidam coram mendacibus, set coram ueritate dixit ueritatem, ut de Iob : Pellem pro pelle, et quidquid habet homo dabit pro anima sua, et cet¹²⁸⁰.

Item, extinguitur per uentum qui flat.