Sermo 6.

Paris, Mazarine 1026, fol. 43vb-44ra

[marg] Dominica IIIa in adventu

1. Mathei XI. (7), Quid existis in desertum videre?

In hiis verbis commendat Dominus Iohannem Baptistam et excusat eum contra emulos suos qui eum de tribus reprehendebant ¹²²⁵ :

• Quidam enim reprehendebant Iohannem de inconstantia mentis, quia de Christo querebat et a Christo: ¹²²⁶ Tu es qui venturus es, etc ? (Luc. VII. 19) cum eumdem prius digito demonstrasset. Hoc removet Dominus a Iohanne cum dicit quod ipse non fuit harundo qui vento cuiuslibet inconstantie et levitatis inclinaretur, ¹²²⁷ (Mt. XI. 7).
• Quidam de adulatione, quia ¹²²⁸ testimonium de ipso Christo presente perhibuerat et ipso non presente ¹²²⁹ hesitare videbatur. Hoc removet Dominus a Iohanne cum dicit quod ipse non quesivit mollia indumenta, pro quibus Christo pauperi adularetur, cum hoc faciant qui in domibus regum sunt a quibus talia per adulationem haberi possunt. Set Iohannes nec mollia diligit, nec a me qui pauper sum tale quid habere potuit. Unde non est credendum quod michi aliquid per adulationem dixerit.
• Quidam autem de peste invidie ¹²³⁰ , scilicet quia Iohannes sciens ipsum esse Christum, ex invidia nolebat eis asserere ut dicebant ¹²³¹ quod ipse esset Christus. Hoc removet Dominus cum dicit ipsum esse prophetam qui eum venturum predixerit vel plus quam prophetam qui me digito demonstravit. ¹²³²

1. Patet ex verbis supradictis quomodo Dominus Iohannem in quatuor commendavit. Qui ergo vult commendari a Domino imitetur Iohannem in quatuor:

• Primo cavendo ¹²³³ ne sit harundo:
• • Vento agitatus per superbiam. Eccli. V. (11), Non ventiles te in omnem ventum, etc.
  • Intusvacuus per avaritiam. Eccle. V. (9), Avarus non implebitur pecunia, etc.
  • In luto radicatus per luxuriam. Ioel. I. (17), Computruerunt iumenta in stercore suo, etc ¹²³⁴ . [44ra]

• Secundo cavendo ne sit mollibus indutus. Hoc debent cavere maxime milites.

Tria enim frequenter inde mala proveniunt.

• Primum est quod Christus inde spoliatur amittendo, scilicet animas. Prover. VII. (10), Ecce mulier occurrit illi, etc. Iudith X. (17), Cum intrasset Iudith ante faciem eius, etc. ¹²³⁵
• Secundum est quod impudicus aspectus vulneratur. Prov. ¹²³⁶ XXIII. (33), Oculi tui videbunt extraneas, etc. Tren. III. (49), Oculus meus, etc. Mt. V. (28), Qui viderit mulierem, etc.
• Tertiumest ne homo inde glorietur ¹²³⁷ . Eze. VII. (20), Ornamentum monilium suorum in superbiam posuerunt, etc. Bernardus: ¹²³⁸ „Queritur ad induendum, etc ¹²³⁹ .“ Eccli. XI. (4), Contra tales: In vestitu, inquit, ne glorieris, etc.

• Tertio oportet quod sit bonus ¹²⁴⁰ propheta, scilicet predicando:
• • Insidiasdiaboli ut caveantur. I. Pe. V. (8), Sobri estote et vigilate. Et Iob. XIX. (12), Obsederunt in gyro tabernaculum meum. Gregorius: ¹²⁴¹ „Intuetur hostis mores uniuscuiusque et cui vitio sunt propinqui et ea ponit ante oculos ad quem videt animum facilius inclinari.“
  • Supplicia inferni ut fugiantur. Iob. XIX. (29), Fugite, etc. ¹²⁴² Ps. (X. 7), Ignis sulphur, etc.
  • Gaudia celi ¹²⁴³ ut appetantur. I. Ad Cor. II. (9), Oculus non videt, etc.

• Quarto opportet ut sit non tantum ¹²⁴⁴ propheta, set etiam plus quam propheta. Quod erit si quod dicit ostendit tribus modis:
• • Peccatafugiendo. Eccli. XXI. (2), Quasi a facie colubri fuge peccatum. I. Cor. VI. (18), Fugite fornicationem.
  • Sollicite conversando. Ad. Tyt. II. (12), Sobrie et iuste, etc.
  • Feliciter ¹²⁴⁵ perseverando. Mt. XXIIII. (13), Qui perseveraverit, etc.