Sermo 12.

Paris, Mazarine 1026, fol. 45ra-45va

[marg] Item alius sermo ¹³²¹ in die natalis Domini

1. Ioh. I. (14), Verbum caro factum est, id est filius Dei homo factus est, et hoc multis de causis:

• Ut se diabolo occultaret. Mos enim est fortium militum [45vb] quando sciunt quod pre timore non audent hostes expectare ut abscondant se in rubis ¹³²² ut transeuntes inimici eos non videant et sic in eos ex inproviso insiliunt et interficiunt. Sic Dominus sciens quod diabolus ¹³²³ si sciret eum verum Deum esse, non auderet ad eum accedere, immo timeret et fugeret, propter hoc in rubo ¹³²⁴ beate Virginis se abscondit Christus assumens ibi ¹³²⁵ vestimenta vilia, scilicet humanitatem, ¹³²⁶ cum diabolo prelium innuit, sic devicit eum. Hoc bene significatum est in Iosue VIII (3), quando Iosue pugnabat contra ¹³²⁷ Hay, qui in latibulum partem exercitus relinquens fugit cum ¹³²⁸ paucis. Rex vero Hay ignorans quod post tergum laterent ¹³²⁹ insidie, persecutus est eum cum excercitu civitatis, quo viso Iosue vexillum erexit et tunc insidie que latebant ad civitatem pergentes eam ceperunt et combusserunt. Videns autem Iosue quod capta esset civitas, reversus viriliter pugnavit et hostes devicit. Sic Christus quodammodo fugit quando ligari, flagellari, crucifigi se permisit. Set tandem quasi Iosue, qui salvator interpretatur, vexillum crucis erigens, de hostibus suis triumphavit. Hoc idem ante ¹³³⁰ predixerat Dominus per prophetam Osee XIII. (14), O mors, ero mors tua, o mors.
• Ut pro nobis contra ¹³³¹ diabolum allegaret. Diabolus enim ante adventum Christi petebat humanum genus triplici ratione ¹³³² :
• • Ratione privilegii sive ¹³³³ cyrographi. Dixerat enim Dominus Ade Gene. II. (17), Quacumque hora commederis, etc. Set super ¹³³⁴ hac petitione diabolum, tamquam falsarium, condempnavit, ¹³³⁵ falsificavit hoc privilegium cum addidit: Gen. III. (4), Nequaquam morte moriemini. Et Ad Col. II. (14), Dicitur quod ¹³³⁶ Dominus delevit quod adversus nos erat cyrographum decreti, etc.
  • Rationeprescriptionis. Prescriptio est adquisitio dominii per continuationem possessionis adquisita. Set hec allegatio non valuit diabolo, licet per magnum tempus humanam genus possedisset. Cum Dominus ad interrumpendum prescriptionem et allegandum ius suum prophetas ¹³³⁷ premisisset. Ysa. XXXIII. (22), Dominus rex noster veniet et sanabit nos. Laxati sunt famulii tui set non prevalebunt. ¹³³⁸
  • Ratione ponderis. Homo enim mortaliter peccaverat. Set unum mortale ¹³³⁹ plus ponderat, quam omnia pondera de mundo. Zac. V. (7), Iniquitas sedet super talentum plumbi. Cum igitur res ponderosa potius habeat descendere quam ascendere, mecum debent descendere in infernum. ¹³⁴⁰ Set hec allegatio diabolo nec profuit, quia Dominus noster in alia lance ipsum quodammodo ¹³⁴¹ posuit, qui in tantum ponderavit quod pars in qua erat in infernum descendit, pars vero in qua erat homo in tantum se erexit quod in celum ascendit, et sic Christus statera facta ¹³⁴² corporis predam abstulit tartaris. Ysa. XIIII. (9), Infernus subter conturbatur, etc.

• Ut dilectionis signa nobis ostenderet. Dilexit enim [45va] nos quadrupliciter ¹³⁴³ (sic!), scilicet:
• • Plus quammater filium vel prolem.
  • Plus quam frater fratrem.
  • Plus quam sponsus sponsam. Quere probationes infra in sermone: „Si quis diligit me, sermonem meum servabit.“

1. Sequitur. Et habitavit in nobis. Et hoc tribus de causiscausis] de quibus sequitur: add. P2:

• Ut paupertatem nobis commendaret. Christus enim paupertatem:
• • elegit. Luc. II. (12), Invenerunt infantem pannis involutum, etc. Mt. VIII. (20), Vulpes foveas habent, etc.
  • predicavit. Mt. V. (3), Beati pauperes spiritu quoniam ipsorum est regnum celorum.
  • commendavit. Mt. XIX. (29), Omnis qui reliquerat domum, aut fratres, aut sorores, etc.

• Ut lugentibus solatium prestaret. Ysa. LI. (12), Ego ipse consolabor vos. Consolatur enim nos Dominus cum nobis ostendit quod dolor quem sustinemus in hoc mundo:
• • Est brevis. ¹³⁴⁵ I. Pe. I. (6), Modicum et si oportet nunc contristari, etc. II. Ad Cor. IIII. (17), Id quod in presenti, etc.
  • Omnibus communis. Eccli. XL. (1), Occupatio magna, etc. Augustinus: ¹³⁴⁶ „Propheta sue calamitatis prophetat, eiulat. In idem: loquitur, et prophetat.“ ¹³⁴⁷
  • A pena eterna immunis. Io. XVI. (20), Tristitia vestra vertetur in gaudium. Prov. XIIII. (10), Cor quod novit, etc.

• Ut nos infirmos sanaret, scilicet:
• • Pro nobis dietam servando. Mt. IIII. (2), Cum ieiunasset, etc. Adam enim nimis comederat. ¹³⁴⁸
  • Sudoremsufferendo ¹³⁴⁹ . Luc. XXII. (44), Factus est sudor eius ac gutte sanguinis decurrentis, etc.
  • Minutionem sustinendo. Io. XIX. (34), Unus militum lancea latus eius aperuit et confluit, etc.
  • Potionem sumendo ¹³⁵⁰ . Io. XIX. (30), Cum accepisset Iesus acetum, dixit: Consummatum est.