Sermo 13.

Paris, Mazarine 1026, fol. 45va-45vb

[marg] Dominica prima in octavis natalis Domini

Luc. II. (34), Ecce positus est hic in ruinam Iudeorum et resurrectionem gentium. Luc. I. (52), Deposuit potentes de sede, etc.

Positusest etiam in ruinam ¹³⁵¹ demonum et resurrectionem bonorum angelorum. Sap. VII. (30), Sapientia vincit malitiam, etc. Fortiter se habuit ad demones quos superavit, suaviter ad bonos angelos, quorum ruinam reparavit.
Positus est etiam in ruinam ¹³⁵² vitiorum et resurrectionem virtutum. Ad Ro. IIII. (25), Mortuus est propter delicta nostra et resurrexit propter iustificationem nostram et ut te doceret mori peccatis et resurgere virtutibus.
Positus est etiam in ruinam ¹³⁵³ malorum hominum. Zac. XIIII. (15), Erit ruina equi et muli et cameli et asini et omnium iumentorum. Per equm superbi intelliguntur, per mulum qui ex innaturali commixtione nascitur vitio sodomitico laborantes. Per camelum avari, per asinum luxuriosi.
Positus est ergo Dominus in ruinam malorum et in resurrectionem iustorum. Io. V. (29), Procedunt qui bona egerunt in resurrectionem vite, etc. ¹³⁵⁴

Sequitur. In Israel, id est in hiis qui vident Deum [45vb]:

Inspectorem ut sint pavidiores. Ad Heb. IIII. (13), Omnia nuda sunt et aperta oculis eius. Boetius: ¹³⁵⁵ „Magna est nobis indicta ¹³⁵⁶ necessitas bene agendi cum omnia agamus ante oculos iudicis cuncta cernentis.“ Iob. XXIII. (15), A facie Domini, etc.

Item punitorem ut sint humiliores. Ps. (CXXII. 2), Sicut oculi ancille in manibus domine sue, etc, ut si benefecit ¹³⁵⁷ inde munus accipiat, si vero male, inde lites expectat ¹³⁵⁸ , et ita debent esse oculi nostri ad Dominum Deum nostrum, etc.
Item adiutorem ut sint securiores. Ps. (XV. 8), Providebam Dominum in conspectu meo semper, etc.
Item remuneratorem ut sint fortiores. Ps. (XXIIII. 15), Oculi nostri semper ad Dominum Deum, etc.

Sequitur. Et in signum cui contradicetur. Set quod est signum istud? Audi angelum loquentem ad pastores. Luc. II. (12), Et hoc vobis signum: invenietis infantem, ecce castitas, pannis involutum, ecce paupertas, positum in presepio, ecce humilitas. Hiis signis signantur et armantur milites ChristiHiis…Christi] Hiis tribus signis contradicunt tria genera hominum, scilicet: P2:

Cum primo superant ¹³⁶⁰ carnem.
Cum secundo mundum.
Cum tertio diabolum.

Hiis tribus signis contradicunt ¹³⁶¹ :

Luxuriosi. Eccli. XXI. (18), Verbum sapiens quodcumque audiunt, etc.
Avari. Mt. XIX. (21), Vade et vende omnia que habes, etc. Sap. XV. (12), Estimaverunt, dicunt sancti, lusum ¹³⁶² esse vitam nostram. Vitam, scilicet paupertatis, et conversationem vite.
Superbi. Eccli. XIII. (24), Sicut abhominatio est superbo humilitas, etc. Osee. IX. (11), Effraim quasi avis, etc.

Hiis signis ergo Domini contradicunt hoc tria peccatorum. ¹³⁶³ Unde Ps. (LXIIII. 8), Turbabuntur gentes, et timebunt quia habitant, etc. A signis tuis turbabuntur: ¹³⁶⁴ voluptuosi a signo castitatis, avari a signo paupertatis, superi a signo humilitatis, et tamen sine hiis ¹³⁶⁵ non est salus. Unde quotquot in Apoc. VII. (2) salvi esse leguntur signo Dei et agni signati ¹³⁶⁶ esse dicuntur.

Notes
1351.

Positus… in ruinam om. P2

1352.

Positus… in ruinam om. P2

1353.

Positus… in ruinam om. P2

1354.

et procedent qui bona fecerunt, in resurrectionem vite; (vulg) P2

1355.

Boetius, De consolatione philosophiae (63. 862C), ( „Magna vobis est, si dissimulare non vultis, necessitas indicta probitatis, cum ante oculos agitis judicis cuncta cernentis.“)

1356.

indicta] indita Pm

1357.

benefecit] bene facit P2

1358.

inde lites expectat] inde lites ancilla a domina sua recipiat P2

1360.

Cum primo superant] Primo ut vincant P2

1361.

contradicunt] tria genera hominum add. P2

1362.

lusum] lucrum P2

1363.

tria peccatorum] tria genera peccatorum P2

1364.

A signis… turbabuntur om. P2

1365.

hiis] signis add. P2

1366.

signati] salvati P2