Sermo 17.

Paris, Mazarin 1026, f 46vb - 47rb

Item de eodem

1. Factum est post triduum invenerunt eum in templo sedentem inter doctores respondentem eis et interrogantem, (Lc II. 46)

Primo notandum quid querere debeamus. Et dicendum quod Iesum quem peccatores nos dimisimus. Ps. Longe a peccatoribus salus, (Psal. CXVIII. 155).

Set sciendum quod:

• Quidam non solum non querunt, immo eum fugiunt. Iere II. (27), Verterunt ad me terga et non faciem. Zac VII. (11), ¹⁴³⁵ Averterunt scapulas recedentes. De talibus conqueritur Dominus per Iere II. (5), Hec dicit Dominus: Quid invenerunt in me, iniquitatis, etc. Tales ut dicit Iob XXI. (14), dicunt Domino: Recede a nobis, etc. Hii sunt illi qui mala ¹⁴³⁶ operari non desint. Talibus dicitur Isa. LV. (6), Querite Dominum. ¹⁴³⁷ Ad dolorem invitat cum dicit: Querite, quasi iam ¹⁴³⁸ amissum. Ad timorem cum dicit: Dominum, quasi dantem, vel ¹⁴³⁹ ad amorem ut dicatur 'Dominus', quasi dans munus. Ad gaudium invitat cum dicit: Invocate eum, etc.
• Quidam querunt set non inveniunt, ut sunt delitiosi. Cant III. (1), In lectulo meo per noctem quesivi quem diligit anima mea, etc. Iob XXVIII. (13), Non invenitur in terra suaviter, etc.
• Quidamquerunt et inveniunt, set non bene custodiunt ut sunt illi qui ad peccata sicut canis ad vomitum post pasca redeunt. (Auctor incertus) ¹⁴⁴⁰ super versum illum (Ps. XV. 8) ¹⁴⁴¹ Iniquitatem meam in conspectu meo semper dicit: «Tria sunt que expellunt hominem a domo, id est Christum a corde humano, scilicet fumus superbie que quanto magis ascenderit, tanto magis evanescit sicut fumus. [47rb]. Item stillicidium avaritie que facit hominem de loco ad locum ire sicut stillicidium. Item mala uxor luxurie ¹⁴⁴² que insatiabilis est.» Ideo dicitur in Prov. IIII. (23), Omni custodia serva cor tuum quoniam ex ipso vita, id est Christus qui dicitur vita, ¹⁴⁴³ procedit, id est procul cedit, sive recedit. De hiis tribus Bernardus: ¹⁴⁴⁴ „Cur fumum non abicis, cur uxorem non corrigis, cur tectum non reficis. Stillat superni iudicis indignatio ex deficiente caritate que operit multitudinem peccatorum.“
• Quidam querunt et inveniunt et diligenter custodiunt, ut sunt boni. In Cant. III. (4), Inveni quem diligit anima mea et tenui eum nec dimittam. Et certe talis ut dicitur Prov. XXVII. (18), Qui custos est Domini sui glorificabitur.

1. Secundoquomodo eum querere debeamusdebeamus] debemus P2 ad hoc ut eum invenire valeamus.

Et dicendum ¹⁴⁴⁶ quod tripliciter:

• Cum pastoribus celeriter. Luc II. (16), et venerunt festinantes, etc. Sic et tu. Eccli. V. (8), Ne tardes converti, etc.
• Cum regibus humiliter. Mt. II. (11), Et procidentes adoraverunt eum, etc. Ecce humilitas.
• Cum Maria et Ioseph lacrimabiliter ut hic. Fili, quid fecisti nobis sic, etc? (Luc. III. 48). Bernardus: ¹⁴⁴⁷ „Quomodo te, bone Iesu, inter cognatos meos, etc.“ Quere ¹⁴⁴⁸ supra. Iere XXXI. (9), In fletu venient, scilicet ad querendum me, etc.

1. Tertio quando eum invenire debeamus. Et dicendum estdicendum est] dicitur P2 quod post triduum:

• Primus dies est cordis contrictio. Set quidam nimis ¹⁴⁵⁰ plenarie conteruntur cum ibi sint necessarii dolores ut parturientis. Ideo non inveniunt. Ideo tali dicit ¹⁴⁵¹ Mich. IIII. (10), Dole, satage (filia Sion), etc.
• Secundus dies est oris confessio. Set quia quidam ut dicit ad Tyt. I. (16), Confitentur se nosse Deum, factis autem negant. Ideo nondum ¹⁴⁵² invenitur. Prov. XXVIII. (13), Qui abscondit scelera sua, non dirigetur, scilicet ad Deum.
• Tertius est operis satisfactio in qua invenitur Iesus.

1. Quarto ubi invenire debemus. Et dicendum quod in templo per devotam orationem. Legitur enim in IIII. Reg. XXIX. (8) quod cum tria transirent coram Helya in nullo eorum inventus est Dominus.

• Primum fuit ventus grandis et fortis subvertens montes et conterens petras, per quem superbia que altos et constantes subvertit intelligitur, nec ibi Dominus ¹⁴⁵³ .
• Secundum fuit commotio terre per quam iracundia intelligitur, nec ibi ¹⁴⁵⁴ Dominus.
• Tertium fuit ignis. Per ignem avaritiam vel luxuriam intelligimus, nec ibi Dominus. ¹⁴⁵⁵
• Quartum fuit sibilus aure tenuis, id est oratio cum quodam ¹⁴⁵⁶ sibilo tenui prolata, ibi Dominus. Plures enim Dominum per devotam orationem invenerunt.