Sermo 24.

Paris, Mazarine 1026, fol. 49rb-49rb

[marg] De eodem

Item de eodem

Quid hic statis, etc, (Mt. XX. 6). Quasi dicat DominusDominus om. P2 hominibus otiosis: Cur toto tempore vite vestrevestre] om. P2 laborare negligitis pro salute vestra? Et aggravat multum peccatum eorum, cum dicit: Quid hic statis, scilicet in loco:

Tam periculoso. Eze. II. (6), Subversores sunt tecum et cum scorpionibus habitas.
Tam transitorio. I. Io. II. (17), Transivit mundus, etc. Bernardus: ¹⁵⁸² „Melius est ergo relinquere quam relinqui.“ ¹⁵⁸³ Sap. V. (9), Transibunt omnia quasi umbra. ¹⁵⁸⁴
Tam fetido. (Augustinus:) ¹⁵⁸⁵ O munde immunde, si fugiens sic me tenes, ¹⁵⁸⁶ quid faceres si maneres. ¹⁵⁸⁷ Ad. Phil. III. (8), Omnia reputavi ut stercora, etc.

Sequitur. Statis. Cum potius deberetis:

Ire. Mich. II. (10), Surgite, et ite, quia ¹⁵⁸⁸ non habetis hic requiem.
Saltare. Ad. Heb. IIII. (11), Festinemus ingredi in illam requiem, etc. Bernardus: ¹⁵⁸⁹ „Vita brevis, vita ¹⁵⁹⁰ longa. Si vis ergo pervenire, incipe transilire.“
Currere. I. Ad Cor. IX. (24), Sic currite ut comprehendatis, etc.

Sequitur. Tota die, id est toto tempore vite vestre. Cum habeatis:

Temporis oportunitatem. Iob. XXIIII. (23), Dedit ei Deus locum penitentie. Apoc. II. (21), Dedi illi tempus ut penitentiam ageret, etc.
Laboris suavitatem. Mt. XI. (30), Iugum enim meum suave est, et onus meum leve, etc.
Mercedis securitatem. Sap. X. (17), Reddet Deus mercedem laborum sanctorum suorum, etc.
Mercedis immensitatem. ¹⁵⁹¹ I. Ad Cor. II. (9), Oculus non vidit, Deus absque te, etc.

Sequitur. Otiosi. Sicut dicit Eccli. (XXXIII. 29): Multam malitiam docuit otiositas, etc. Otiositas enim:

Hominem ¹⁵⁹² depauperat. Prov. X. (4), Egestatem operata est manus remissa. Idem XX. (4), Propter frigus piger arare noluit, etc. Idem XXI. (5), Cogitationes viri sunt in habundantia, etc. ¹⁵⁹³
Furtumgenerat. Ad Ephes. IIII. (28), Qui furabatur, scilicet occasione paupertatis, iam non furetur, etc.
Luxuriam fovet. ¹⁵⁹⁴ II. Reg. XII. (7), de David qui cum otiosus in palatio laboravit adulterio. Eze. XVI. (49), Hec fuit iniquitas Sodome: superbia et habundantia panis et otiositas, etc. ¹⁵⁹⁵

Notes
1582.

Bernardus] ibi dicit add. P2

1583.

Non inveni

1584.

Transierunt omnia illa tanquam umbra (vulg)

1585.

Augustinus om. P2; Augustinus, Sermones de Scripturis (38, 622), (Quid strepis, o munde immunde? Quid strepis? Quid avertere conaris? Tenere vis periens: quid faceres, si maneres?»)

1586.

tenes] tenens Pm

1587.

Non inveni

1588.

Quia] qui Pm, quoniam P2

1589.

Auctor incertus, Flores seu sententiae ex S. Bernardo (183, 1204B), («Vis pervenire? incipe transilire.»)

1590.

vita] via P2

1591.

immensitatem] inmensitatem Pm

1592.

hominem] animam P2

1593.

Cogitationes robusti semper in abundantia (vulg)

1594.

luxuriam fovet] luxuriosum facit et etiam ad luxuriam excitat, sicut habetur exemplum de David P2

1595.

otiositas, etc] et ideo dicit poeta: Queritur, Egystus, quare sit factus adulter? In promptu causa est: desidiosus erat, id est ociosus add. P2 (Non inveni)