Sermo 29.

Paris, Mazarine 1026, fol. 51ra- 51va

[marg] De eodem

Item de eodem

1. Cecus quidam sedebat secus viam, mendicans. (Luc. XVIII. 35) Nota quod in Sacra Scriptura multiplex invenitur cecitas et multiplex similiter curatio adhibetur:curatio adhibetur] adhibetur curatio, de quibus sequitur P2

• Prima est confidentia vite. Unde in Apoc. III. (17), Scribitur angelo Laoditie: Tu dicis: dives sum, et locupletatus, et nullius egeo, et nescis quia tu es miser, et miserabilis, et pauper, et cecus, et nudus. Laodicia amabilis Domino interpretatur, ¹⁷³³ per quam intelliguntur illi qui de se securitatem ¹⁷³⁴ vite sue presumunt, et hii ceci sunt. Ysa. XLII. (19), Quis cecus, nisi servus meus. Talis collirio oculos inungit et illuminabitur. Gregorius: ¹⁷³⁵ „Collirium ex frumento conficitur ¹⁷³⁶ per quod Christus intelligitur.“ Io. XII. (24), Nisi granum frumenti, etc. Facias ¹⁷³⁷ ergo (collirum de frumento) ¹⁷³⁸ considerans quot et quanta (Dominus pro nobis sustinuit) ¹⁷³⁹ et a presumptione sanabitur.
• Secunda est crudelitatis et malitie. ¹⁷⁴⁰ Sap. II. (21), Excecavit eos malitia eorum. Hoc significatur per cecitatem Pauli. Ac. IX. (8), Surrexit autem Saulus de terra; apertisque oculis, etc. Set nota ¹⁷⁴¹ quod Paulus visum recuperavit ad orationem Ananie, que ¹⁷⁴² interpretatur ovis ¹⁷⁴³ et significat quod mali homines, per bonum simplicitatis et obedientie, crudelitatis cecitate curantur.
• Tertia est cecitas ¹⁷⁴⁴ superbie. Hoc significatur per hominem illum qui fuit cecus a nativitate. Io. IX. (1), Preteriens Iesus vidit hominem cecum, etc. Quasi cecus nascitur, qui de generis nobilitate superbit. Osee IX. (11), Effraim quasi avis avolavit, quia ¹⁷⁴⁵ per superbiam, gloria eorum a partu, et ab utero, et a conceptu. Yronia est, quasi dicat: si considerarent quomodo concepti sunt et qualiter in utero obvoluti et qualiter ex utero nati, non haberent unde gloriarentur. Set certe, alienati sunt peccatores a vulva, erraverunt ab utero, locuti sunt falsa, (Ps. LVII. 4). Talis curatur appositione luti super oculos, id est ex consideratione proprie vilitatis ¹⁷⁴⁶ ac mortis. Mich. VI. (14), Humiliatio tua in medio tui. Hinc est quod in Levit. I. (16) precipitur, ut vesicula gutturis [51rb]et plume proiciantur ad orientalem plagam, in loco ubi cineres effudi solent. In pluma levitas, in vesicula tumor superbie designatur. Proiciuntur ad orientem ¹⁷⁴⁷ in loco cinerum, cum consideramus ingressum huius miserie et egressum. ¹⁷⁴⁸ Talis etiam mittitur ad aquas Syloe, id est Sacre Scripture, ¹⁷⁴⁹ que est quasi speculum unicuique formam suam ostendens. Iac. (I. 23), Si quis auditor est, verbi et non factor.
• Quartacecitas est luxurie. Hec significata est in cecitate Tobie, que accidit ex stercorione calida ¹⁷⁵⁰ hirundinum, sicut legitur Tob. II. (11). Yrundo est avis garrula et luxuriosa et significat luxuriosos. Prov. VII. (10), Ecce mulier occurrit illi ornatu meretricio, preparata ad decipiendas ¹⁷⁵¹ animas: garrula et vaga. Et tales ex felle piscis, id est amaritudine penitentie, curantur. Fel in pisce includitur et amaritudo peccati cum delectatione carnis. Item piscis dulces habet carnes, set fel amarum. ¹⁷⁵² Unde: si aspergamur carnes felle, totum fit amarum. ¹⁷⁵³ Si delectatio carnis aspergatur felle amaritudinis peccati fit amara, et sic sanantur tales. ¹⁷⁵⁴ Penitens enim extra aquas ¹⁷⁵⁵ tribulationum vel lacrimarum (vivere non possunt). ¹⁷⁵⁶ Sicut nec pisces. Ysa. L. (2), Computrescent pisces sine aqua. Eccli. XI. (29), Malicia unius hore, etc.
• Quinta cecitas est avaritie. Hec cecitas significata est in illo ceco de qua ¹⁷⁵⁷ loquitur in Iob. XV. (27), Operuit faciem eius crassitudo. Tunc ¹⁷⁵⁸ habundantia excecavit eum.

1. In ceco istoIn ceco isto] de ceco isto P2 notantur quatuor:

• Quod sedebat. Tales enim amant otium et ideo a Domino reprehenduntur. Mt. XX. (6), Quid hic statis, etc. Psal. (LXXI. 5), In labore hominum ¹⁷⁶⁰ non sunt.
• Non in via, set secus viam, que caritas est. I. Cor. XII. (31), Adhuc excellentiorem viam, etc. I. Io. III. (17), Qui videt fratrem suum, etc. ¹⁷⁶¹
• Mendicans. ¹⁷⁶² Quia ut dicit Eccles. V. (9), Avarus non implebitur pecunia. Prov. XXVII. (20), Infernus (et perditio nunquam implentur), etc. Eccli. XIIII. (9), Insatiabilis oculus, etc.
• Iuxta Ierico, quod interpretatur luna ¹⁷⁶³ et significat temporalia que semper sunt in motu. Crescunt enim et descrescunt et in eodem sistere nesciunt. Eccli. XXVII. (12), Stultus ut luna mutatur. Vel via ¹⁷⁶⁴ est via mandatorum. Iuxta hanc sedent, qui mandata nesciunt. Set tamen in eis non proficiunt, sicut ceci et claudi qui sedentes secus viam sciunt ¹⁷⁶⁵ quantum ad alios et per eam ¹⁷⁶⁶ docent. Raro autem aut nunquam ipsi pedem movent ut per eam ambulent. Sedere autem dicuntur tales, quia in parte erecti sunt, scilicet quantum ad intellectum, et in parte terram tangunt, scilicet quantum ad affectum. Tales igitur ¹⁷⁶⁷ sedent et utinam [51va] mendicarent, id est suam paupertatem manu demonstarent ¹⁷⁶⁸ , et sibi bene fieri postularentur. ¹⁷⁶⁹