Sermo 31.

Paris, Mazarine 1026, fol. 51vb-52ra

[marg] Dominica in quadragesima

1. Ductus est Iesus, etc, a Spiritu sancto, (Mt. IV. 1). Luc.Luc] Set in Luca habetur similiter P2 (IV. 1), Ihesus autem, plenus Spiritu sancto, etc. Voluit autemautem] Iesus add. P2 intrare desertum propter quatuor, scilicet:

• Ut ibi se verum Deum et hominem ¹⁷⁹⁴ ostenderet. Verum [52ra] Deum se ostendit cum XLa diebus et XLa noctibus propria virtute ieiunavit, et talis erat nobis necessarius ut ¹⁷⁹⁵ peccata ¹⁷⁹⁶ tolleret, quod non faceret si esset purus homo. Verum hominem se ostendit, cum postea esuriit, et certe talis erat nobis ¹⁷⁹⁷ necessarius ut posset temptari de peccato. Set nullam aliam creaturam temptasset ¹⁷⁹⁸ diabolus de peccato nisi hominem, et ideo opportuit ipsum esse hominem a quo diabolus devinceretur et devictus dimittet ¹⁷⁹⁹ dominium quod habebat super hominem.
• Ut ibi diabolum pro homine vinceret. Quod notatur ibi: Tunc relinquit eum diabolus, etc, (Mt. IV. 11),scilicet ¹⁸⁰⁰ tamquam victus. Hoc etiam fuit valde necessarium nobis ut sic auferretur ¹⁸⁰¹ obprobrium humani generis. Quod non fieret si alia creatura quam Iesus diabolum devicisset. Semper enim posset dicere diabolus ¹⁸⁰² : ego vici hominem. Hoc considerans Ps. (CXVIII. 22) clamabat: Aufer obprobrium, etc.
• Ut formam resistendi diabolo nobis daret quod notatur ibi. Non in solo pane vivit homo, etc, (Mt. IV. 4). Sic et nos: amputemus capitem Golye, id est diaboli, proprio ense, sicut fecit David I. Reg. XXVII. (50), et sicut fecit Christus hic. Dicit tibi diabolus: ¹⁸⁰³ Frater, iuvenis es, cum senex fueris facias penitentiam. ¹⁸⁰⁴ Et tu ¹⁸⁰⁵ responde ei tunc: Quare ergo tu non facis penitentiam cum senex sis, etc? ¹⁸⁰⁶
• Ut hominem ad desertum penitentie invitaret. Quasi dicat: Exemplum dedi vobis, etc, Io. (XIII. 15).

1. Dicitur autem penitentia desertum:

• Propter solitudinem. In deserto enim pauci habitant, sic et in penitentia. Iere. VIII. (6), Nullus est qui agat penitentiam super peccato suo, etc. Vel dicitur desertum: ¹⁸⁰⁷
• Propter ciborum ariditatem. Penitentia enim debet arida esse ¹⁸⁰⁸ et aspera. Ps. (LXII. 3), In terra deserta, invia, etc.

1. Sequitur. Ut temptaretur a diabolo. Nota quod quatuor modis fit temptatio, scilicet:

• Suggestione, quod significatum fuit in serpente qui primo suggessit. Gene. III. (4), Nequaquam moriemini, etc..
• Delectatione, quod significatum fuit in Eva, id est in carne, dum delectatur. Gen. III. (6), Vidit ergo mulier quod pulchrum, etc.
• Consensu, quod significatum fuit in Adam qui consensit. Gene. III. (6), Deditque viro qui commedit, etc.
• Defensione, quod significatum fuit in primo homine qui peccatum excusando defendit dicens: Gene. III. (12), Mulier, quam dedisti mihi sociam, etc. Christus sola suggestione temptatus fuit, qui sine culpa est.