Sermo 49.

Paris, Mazarine 1026, fol. 59va-59vb

[marg] Dominica tertia

1. Modicum et iam non videbitis me, etc, (Ioh. XVI. 16). Et parum tempus restat usqueusque] usquequo P2 patiar et claudar in sepulcro, et parum tempus usquequo rescuscitari videar. Vel parum tempus est triduum quo clausus in sepulcro non videbor, et iterum sunt illi XL dies quousque resuscitatus videbor, quia vado ad Patrem, scilicet in ascensione.

Nota, quod impletum fuit in passione Domini et in eius ²⁵¹⁷ resurrectione, in nobis spiritualiter impletur. Frequenter in devotione contemplationis subtrahit se ²⁵¹⁸ Dominus ab amico, set non ab amicitia. Et hoc multis de causis:

• Ut presumptio tollatur. Quod provenit ex nimio intuitu in Dominum. II. Cor. XII. (7), Ne magnitudo revelationum (extollat me),etc.
• Ut imperfectio cognoscatur. Ut si quis habet fortem adiutorem in opere suo, subito cognoscit suam imperfectionem. Psal. (XXIX. 7), Ego dixi in habundantia mea. Set ut me michi ostendens, (8) avertisti faciem tuam, et factus sum conturbatus. (Gregorius): ²⁵¹⁹ „Magna perfectio est sue imperfectionis cognitio“.
• Ut securitas minuatur. Ex nimia enim [59vb] securitate minus cavetur hostis. Eccli. XXVII. (4), Si non in timore Domini instanter te tenueris. Ieronimus: ²⁵²⁰ „Securitas parit negligentiam. Negligentia est inobedientie mater“. ²⁵²¹
• Ut ardentius queratur. Cant. III. (1), In lectulo meo, etc. Gregorius: ²⁵²² „Sancta desideria dilatione crescunt“.
• Ut inventus fortius teneatur. Cant. (III. 4), Tenui eum nec dimittam.
• Ut sciat homo quam malum est si ab eo eternaliter relinquatur. Ieronimus: ²⁵²³ „Scito et vide (quam malum et amarum sit), etc“. Ps. (LIX. 6), Dedisti metuentibus te (significationem), etc.
• Ut inde de peccatis suis amplius conteratur. Iere. III. (2), Leva oculos tuos, quia non ita perfecte orat ut exaudiri mereatur. Beda: ²⁵²⁴ „Perfecte orat qui pie perseveranter, pro se et ad salutem (orat). Talis exauditur vel hic vel in tempore oportuno“. ²⁵²⁵
• Ut diutius orando perfectior efficiatur. ²⁵²⁶ Exemplum de Chananea, Mt. XV. (21).
• Ut ex difficultate exauditionis odium Dei incurrere nequeat. ²⁵²⁷ Eccli. XXI. (1), Fili, peccasti?, etc. Gregorius: ²⁵²⁸ „Sancta desideria dilatione ²⁵²⁹ crescunt.“ Hiis causis ²⁵³⁰ subtrahit se Dominus ab amico aliquando. Unde dicit: Modicum et non videbitis me (Ioh. XVI. 16), quia eius substractio diurna nimis esset tediosa. Iob. (X. 1), Tedet animam meam (vite mee). Ideo subdit consolationem dicens: Iterum et modicum ²⁵³¹ videbitis me.