Sermo 51.

Paris, Mazarine 1026, fol. 60rb-60va

Dominica IIIIa ²⁵⁷⁸

1. Vado ad eum qui me misit, etc, (Ioh. XVI. 5). Quasi dicat: Vado ad Patrem per assumptam humanitatemQuasi dicat… per assumptam humanitatem] Quasi dicat: Vado ad Patrem qui me incarnari constituit. Vado assumpta humanitate P2 cum quo semper fui per divinitatem. Set cum videris eum missum a Patre, non credas ipsum propter hoc ‚minorem Patrem‘,minorem Patrem] minorem Patre P2 sicut faciunt heretici. Missus est enim non sicut minor a maiore, set sicut equalis ab equali. Dicit ergo: vado, scilicet patiendo, non sicut minor, et Spiritus sanctus similiter misit ipsum, venit etvenit et inv. P2 sponte sua:

• Pater eum misit. Unde ad Gal. IIII. (4), Misit Deus filium suum, factum ex muliere, non de viro et muliere, set tantum de muliere, id est ex virgine, factum sub lege, id est sub nomine legis, ²⁵⁸² id est sub morte et aliis passionibus, non ut sub ea expiaretur, set ut ab ea liberaret. Unde sequitur (Gal. IIII. 5): Ut eos qui sub lege, id est sub homine legis, erant possessi et rei redimeret.
• Spiritus sanctus eum misit ipso attestante qui per Isa LXI. (1) ait: Spiritus Domini super me, eo quod unxerit me; ad annuntiandum mansuetis misit me.
• Venit et ipse sponte sua a se. Io. XVI. (28), Exivi a Patre, et veni in mundum; et iterum relinquo mundum, et vado ad Patrem.

1. Sequitur. Et nemo ex vobis interrogat, id est interrogabit me: Quo vadis? Presens tempus ponit pro futuro, quasi dicat: tam aperta ettam aperta et om. P2 tam manifesta erit ascensio mea in celum quod nulli necesse eritnecesse erit inv. P2 interrogare: Quo vadis?

Ascendit enim Dominus:

• Patenter. Ac. I. (9), Videntibus illis, elevatus est. Sic et nos ascendamus ut nobis et proximis proficiamur. ²⁵⁸⁵ Mt. V. (16), Sic luceat lux vestra coram hominibus. Set sciendum quod quidam lucent:
• • Sicut luna nova ²⁵⁸⁶ que lucet tantum in principio noctis. Sic lucent illi qui bene inchoant et male finiunt vitam suam. Eccli. XXVII. (12), Stultus ²⁵⁸⁷ sicut luna mutatur, (et eiusdem) ²⁵⁸⁸ XXVI. (25), In duobus contristatum est corpus meum, etc. Iere. VII. (24), Facti sunt retrorsum et non ante, etc. Tales etiam lucent sicut candela grossa que in sumitate ²⁵⁸⁹ ubi gracilis est bene lucet, circa finem ubi grossa, male lucet. ²⁵⁹⁰
  • Sicut luna plena que per totam noctem lucet. Sic faciunt illi qui bene faciunt et bene incipiunt. ²⁵⁹¹ Eccli. L. (6), Quasi luna plena in diebus suis lucet, etc. Eccles. XI. ²⁵⁹² (6), Mane semina semen tuum, etc. In Trenis. III. (27), Bonum est viro, cum portaverit iugum Domini ab adolescentia sua. Mt. XXIIII. (13), Qui perseveraverit usque in finem, hic salvus (erit), etc. [60va]
  • Sicut luna vetus que lucet tantum ²⁵⁹³ circa finem noctis. Sic ²⁵⁹⁴ illi qui male incipiunt et bene finiunt, ut bonus latro: Luc. XXIII. (42), Memento mei, Domine, etc. Prov. XI. ²⁵⁹⁵ (27), Bene consurgit diluculo qui querit bona. Eccli. XIIII. (14), Non defrauderis a die bono, etc. II. Pe. III. (8), Unus dies apud Dominum, etc.

• Potenter. Ysa. LXIII. (1), Quis est iste gradiens in multitudinibus virtutis sue. Sic et vos. Ascendamus potenter:
• • Mundum conculcando. Phil. III. (8), Omnia reputavi ut stercora, etc.
  • Carnem macerando. I. Cor. IX. (27), Castigo corpus meum, et cetera.
  • Diabolo resistendo. Iac. IIII. (7), Resistite diabolo et fugiet a vobis. Diabolus enim talem habet modum quod ²⁵⁹⁶ fugit fugantes et fugat fugientes.

• Letanter. Psal. ²⁵⁹⁷ (XLVI. 6), Ascendit Deus in iubilo. Sic et nos ascendamus letanter:
• • Ne impatienter contra Deum murmuremus. I. Ad Cor. X. (10), Neque murmuraveritis, etc. Hest. V. ²⁵⁹⁸ (2) legitur quod Hester osculata est sumitate ²⁵⁹⁹ virge quam Assuerus, qui beatitudo interpretatur, ²⁶⁰⁰ ei porrexit. Ad Heb. X. (36), Patientia nobis necessaria est.
  • Ne proximum nostrum odio habeamus. I. Io. II. (11), Qui odit fratem suum, in tenebris est, et in tenebris ambulat, ²⁶⁰¹ et nescit quo eat, quoniam tenebre excecaverunt oculos eius. Ideo. Eccli. XXVIII. (9), dicitur: Memorare (testamentum Altissimi), etc.
  • Ne in corde tristitiam nutriamus. Prov. XXV. (20), Sicut tinea vestimento, etc. Eccles. (VII. 10), Non sis velox ad irascendum, etc. Prov. (XV. 13), Cor gaudens exhilarat faciem; in merore autem animi terrentur ²⁶⁰² spiritus. Ps. (VI. 8), Turbatus est a furore oculus meus. Eccles. XI. (10), Aufer iram a corde tuo.

• Festinanter. Ps. (XVIII. 6), Exultavit ut gygas ad currendam viam. Sic et nos, festinemus ingredi in illam requiem, et hoc tribus de causis:
• • Primo quia hic periculosissime conversamur. Eze. II. (6), Subversores ²⁶⁰³ sunt tui. ²⁶⁰⁴
  • Secundo ne cum fatuis virginibus excludamur. Mt. XXV. (11), Domine, Domine, aperi nobis, etc.
  • Tertio quia ad magna vocamur, ²⁶⁰⁵ ad coronam. Cant. IIII. (8), Veni de Libano, veni et coronaberis, etc.