Sermo 54.

Paris, Mazarine 1026, fol. 61rb-61va

[marg] Dominica VIa

1. Cum venerit Paraclitus, (Ioh. XV. 26) Hic datur intelligi quod Spiritus sanctus venit a se ipso et sua sponte.

Sequitur. ²⁶⁶² Quem ego mittam vobis a Patre. Sicut enim Pater, ita et Filius et Spiritus sanctus mittit. Set Filius solet in sacra scriptura omne quod sui est ²⁶⁶³ attribuere Patri, quia quidquid habet, habet a Patre. Et ideo dicit: Quem ego mittam vobis a Patre, ²⁶⁶⁴ addens: Spiritum veritatis. Supple: inspiratorem, ²⁶⁶⁵ qui a Patre procedit. Ille, inquam, testimonium ²⁶⁶⁶ perhibebit de me, et de deitate mea. ²⁶⁶⁷ Preter testimonium Patris in baptismo Christi et in transfiguratione; preter testimonium etiam Iohannis Baptiste de Christo; preter testimonium ipsius Christi operum. ²⁶⁶⁸ Io. XV. ²⁶⁶⁹ (24), Que nemo alius facere posset. Perhibuit enim ipse, ²⁶⁷⁰ scilicet testimonium de Filio diffusum ²⁶⁷¹ per ora predicantium, ita ut abiecto timore constanter eis predicarent, quod ante adventum Spiritus sacti facere non audebant.

1. Moraliter. Cum venerit Paraclitus, quem ego mittam vobis etc, scilicet petentibus.scilicet petentibus om. P2

• Paraclitus enim consolator interpretatur, et penitentes pro peccatis consolatore indigent. ²⁶⁷³ Mt. V. (5), Beati qui lugent, quoniam ipsi consolabuntur. Iere. XXXI. (13), Convertam luctum eorum in gaudium et consolabor eos. Ysa. LI. (12), Ego, inquit Spiritus santus, ego ipse consolabor vos. Ps. (XCIII. 19), Consolationes tue letificaverunt animam meam. Consolatur enim Spiritus sanctus penitentes tripliciter, ostendens eis per predicatores suos quod penitentia quam pro peccatis suis faciunt est:
• • Levis. ²⁶⁷⁴ Mt. XI. ²⁶⁷⁵ (30), Iugum enim meum suave est, et honus meum leve. Gregorius: ²⁶⁷⁶ „Sancti temporalem penam lucrum putant (quia per hanc eternam evadere non ignorant), etc.“
  • Brevis. ²⁶⁷⁷ Ad Ro. VIII. (18), Non sunt condigne (passiones huius temporis ad futuram gloriam que revelabitur in nobis), etc. II. Ad Cor. IIII. (17), Id quod in presenti momentane (est), etc. [61va]

• A pena eterna immunis. Prov. XIIII. (10), Cor quod novit amaritudinem, etc. Idem. XX. (14), Malum est, malum est, etc.
• Paraclitus enim testis intepretatur. ²⁶⁷⁸ De ipso teste ²⁶⁷⁹ gaudebat Iob. XVI. (20), Ecce, inquit, in celo est testis meus et conscius meus in excelsis. De hoc testimonio et huiusmodi: I. Io. V. (7), Tres sunt qui testimonium dant, id est dabunt in die iudicii et hoc contra demones, in celo, id est in testimonio: ²⁶⁸⁰

• Pater qui ²⁶⁸¹ fuit potens in opere. Ad Phil. IIII. (13), Omnia possum in eo qui me confortat. In Iudic. ²⁶⁸² III. (15), Qui utraque manu utebatur pro dextera. Psal. (LVIII. 10), Fortitudinem meam ad te custodiam. Set certe multi habent hodie ²⁶⁸³ fortitudinem asininam. Asinus enim valde debilis est circa humeros ubi habet crucem. Set circa crura et circa caudam valde fortis est. Tales sunt ²⁶⁸⁴ maxime luxuriosi qui operibus ²⁶⁸⁵ crucis, id est penitentie, debiles sunt, set circa caudam, id est operibus ²⁶⁸⁶ luxurie, fortes sunt. Ideo ²⁶⁸⁷ dicit Psal. (XX. 13), Pones eos dorsum, etc. Iere. VII. (24), Facti sunt retrorsum, suple: fortes, et non ante. Iere. (XXIII. 10), Fortitudo eorum dissimilis. ²⁶⁸⁸ Set tales doleant et confiteantur peccata sua, et spem suam ponant ²⁶⁸⁹ in Domino. Quoniam sicut dicit Ysa. XL. (31), Qui sperant in Domino, mutabunt fortitudinem, scilicet malam, in bonam, et tunc poterunt dicere cum Apostolo Ad Phil. IIII. ²⁶⁹⁰ Posteriorum oblitus (ad anteriora me exeundo), etc.
• Filius qui ²⁶⁹¹ fuit sapiens in sermone. Eccles. In fine. (XII. 11), Verba sapientium sicut ²⁶⁹² stimuli, et quasi clavi ²⁶⁹³ in altum defixi. Stimulus ²⁶⁹⁴ duo facit: Asinum enim ²⁶⁹⁵ errantem ad viam rectam perducit et ipsum pigrem cito ire facit. ²⁶⁹⁶ Sic facit verbum sapientis: Peccatores errantes ad viam veritatis perducit et pigros citius ire facit. Sequitur: Et quasi clavi. Clavus in altera parte pungit et aperit, et in parte altera claudit et stringit. Sic verbum Dei pungit cor et aperit ²⁶⁹⁷ ut gratiam receptam custodiat. Ad Eph. III. (29), Omnis sermo malus de ore nostro non procedat, etc. I. Ad Thi. IIII. (12), Cito fidelis in verbo, etc. ²⁶⁹⁸ I. Pe. IIII. (11), Si quis loquatur, quasi sermones Dei. I. Reg. III. (19), habemus de Samule quod ex omnibus verbis eius non cecidit in terram.
• Spiritus sanctus, qui ²⁶⁹⁹ fuit benignus ²⁷⁰⁰ in elemosinarum largitione. Iob. XXX. (25), Flebam quondam super eo qui afflictus erat, etc. Item. ²⁷⁰¹ XXXI. (16), Si negavi, quod volebant, pauperibus, etc. Idem. XXXI. ²⁷⁰² (32), Foris non mansit peregrinus, etc.