Sermo 61.

Paris, Mazarine 1026, fol. 62vb-63ra

[marg] De eodem

Item de eodem ²⁸⁰⁹

1. Factum est, ut moreretur mendicus, etc. (Luc. XVI. 22) Notandum est quod est mors bona, melior, optima:Notandum… optima] Notandum est quod mors bonorum est optima, quia P2

• Bona in raptu anime, ut hic angeli qui sunt ibi parati ad recipiendas animas ut iam dixit. ²⁸¹¹ I. Ad Thes. IIII. (16), Deinde nos, qui vivimus, etc. Glossa: ²⁸¹² „Ab angelis cum suis qui nos, scilicet processerunt, ad requiem in nubibus, quia nubes suscepit eos.“ ²⁸¹³ Sequitur. Obviam Christo in aera. Nec ab illa sententia extimes illos iuvenes esse, ²⁸¹⁴ quibus dictum est (Gene. III. 19): Terra es et in terram reverteris. Licet credamus in ictu oculi resurrectionem futuram. Sequitur. Et sic, sancti immortales, ²⁸¹⁵ semper cum Domino erimus, quia ²⁸¹⁶ ipse Dominus manebit ibi.
• Melior in sententie prolatione, quia ut dicit Ps. (CXI. 7), Ab auditione mala non timebit, immo audiet a Domino. Mt. XXV. ²⁸¹⁷ (34), Venite, benedicti Patris mei, etc.
• Optima erit in Dei visione. Ysa. XXXIII. (17), (Regem) in decore suo videbunt, etc. I. Io. III. (2), Videmus ²⁸¹⁸ eum sicuti est. Unde Dominus per Psal. ²⁸¹⁹ (CVI. 42), Videbunt me et letabuntur, etc.

1. Sequitur. Mortuus est dives et sepultus est (in inferno). Notandum est quod mors peccatorum, ut dicit Ps. (LIIII. 16) dicitur:Notandum est…Ps. dicitur] Item notandum est quod mors peccatorum, etc. P2

• Mala in raptu anime ut hic et in Luc. XII. ²⁸²¹ (20), Stulte, hac nocte, ad litteram, id est in hac cecitate in qua es, repetent, suple exactores, vel demones, animam tuam, etc. ²⁸²² Dic exemplum Gregorii.
• Peior erit in prolatione sententie. ²⁸²³ Ysa. XI. (4), Spiritu labiorum suorum interficiet impium. Apoc. I. (16) et XIX. (15), De ore eius exibat gladius ex utraque parte acutus. Eleganter dicitur ‚gladius ex ore procedere‘, ²⁸²⁴ quia sicut nulla distantia est inter os et gladium existentem, ita nulla erit distantia inter illam sententiam. Mt. XXV. (41), Discedite a me, maledicti, in ignem eternum, et vindictam. Dicitur autem glaudius ex [63ra] utraque parte acutus, quia exivie mali ²⁸²⁵ in corpore et anima punientur.
• Pessima erit in horribili ²⁸²⁶ demonum visione. Sap. XVII. (4), Persone tristes illis apparentes, etc. Ysa. XIII. (8), Unusquisque ad proximum suum stupebit. Eccli. X. (13), Cum morietur homo hereditabit serpentes, id est demones qui habebunt animam, et bestias, id est filios bestiales qui habebunt hereditatem, et vermes qui habebunt ad litteram ²⁸²⁷ corpus. Iere. VIII. (2), Non sepelietur, ²⁸²⁸ etc. Iere. XXII. ²⁸²⁹ (19), Sepultura asini sepelietur, putrefactus et proiectus extra portas Ierusalem. Sepultura asini talis est: domini pellem retinent, carnes vermes commedunt, ossa, per qua animam intelligimus, ad pluviam et grandinem remanent. Per pellem exteriora intelligimus, que ²⁸³⁰ filii retinent. Carnem ²⁸³¹ ad litteram vermes comedunt. Ossa, id est anima, ad pluviam et grandinem infernalem proiciuntur. ²⁸³² Unde Psal. (X. 7), Ignis, sulphur, et spiritus procellarum, etc. ²⁸³³ Iob. (XXIIII. 19), Ibunt a frigore nimio, ad nimium calore. ²⁸³⁴