Sermo 64.

Paris, Mazarine 1026, fol. 64ra-64rb

Item de eodem

1. 1. Exi in vias et sepes et compelle intrare, etc, (Lc. XIIII. 23). Nota quod regnum celorum adquiritur:

• Intrare compellendo, scilicet miseriis et afflictionibus paupertate et infirmitatibus et huiusmodi. Paulus compulsus fuit in via visum amittens ut habemus ²⁹⁰⁰ in Act. IX. (3). Compulsus fuit filius prodigus quando egestate compulsus, reversus est in domum patris sui, ut habemus in Luc. ²⁹⁰¹ XV. (20).
• Rapiendo scilicet ieiuniis, vigiliis, et afflictionibus. Mt. XI. (12), A diebus, ²⁹⁰² scilicet predicationis Iohannis, suple: usque nunc, id est usque ad predicationem meam, regnum celorum vim patitur, id est videtur vim ²⁹⁰³ pati. Et dictum est per similitudinem: Si enim aliquod regnum extraneis daret, ²⁹⁰⁴ et filiis regni auferetur, violentia ei ²⁹⁰⁵ videretur. Sic videtur esse violentia cum pharisei et scribe, qui in conspectu ²⁹⁰⁶ iusti apparebant, et filii regni celorum videbantur, eiciantur extra foras; ²⁹⁰⁷ et meretrices et puplicani qui indigni tanto regno videntur, per peccatorum confessionem intrant. Sequitur: et violenti, scilicet qui cum ²⁹⁰⁸ quadam violentia domant carnem suam, et rapiunt illud. Martha enim rapuit circa frequens ministerium satagens, ut habemus ²⁹⁰⁹ Luc. X. (40).
• Emendo a pauperibus quorum est Mt. V. (3), Beati pauperes, etc. Emamus ergo ab ipsis elemosinis et beneficiis: Luc. XVI. (9), Facite vobis amicos, etc, scilicet pauperes, ²⁹¹⁰ de mamona iniquitatis, etc. Et nota quod mamona syra lingua idem sonat quod divitie in latina. ²⁹¹¹ Unde hec mamona ²⁹¹² nomen est demonis qui divitiis presidet: non quod possit dare divitias, set quia temptat, est ergo sensus. Facite vobis amicos, id est pauperes, ²⁹¹³ de mamona iniquitatis, id est de divitiis equaliter ²⁹¹⁴ possessis. Unde Strabo: ²⁹¹⁵ Omnis dives aut iniquus aut habens iniqui, quia «aut facit miserum aut deserit miserum.» Miserum facit ²⁹¹⁶ auferendo ei sua, miserum ²⁹¹⁷ deserit non dando ei necessaria. Ideo Apostolus ad equalitatem invitans dicens: II. ad Cor VIII. (14), Habundantia vestra illorum inopiam suplet, ut eorum ²⁹¹⁸ habundantia vestre inopie sit suplementum, ut fiat equalitas. Cum enim habundantia divitum suplet inopiam pauperum, inopia divitum quam habent circa meritum per pauperum habundantiam adimpletur, et sic fit equalitas, quia et isti et illi habebunt meritum. Ita fecit Zacheus sua pauperibus distribuens ut habemus ²⁹¹⁹ in Luc. XIX. (8). [64rb]
• Furando. Maria ²⁹²⁰ furabatur, quando quasi nihil agens ad pedes Domini sedebat, et verbis eius ²⁹²¹ spiritualiter reficiebatur ut habemus ²⁹²² Luc. X. (39). Similiter ita rapiunt furando illud boni contemplativi.
• Gratis eundo ut patet in pueris quibus datum est gratis. Unde possunt dire cum Ps. (XVII. 20), Eduxit me in latitudinem, scilicet de ventre matris mee in mundo, ²⁹²³ salvum me fecit, quoniam voluit me.