Sermo 66.

Paris, Mazarine 1026, fol. 64va-64va

[marg] De eodem

Item de eodem

1. Gaudium erit angelis Dei, etc, (Luc. XV. 10). Nota quod multis de causis debemus agere penitentiam:penitentiam] scilicet add. P2

• Ut angelos letificemus, ut hic (Luc. XV. 10): Gaudium est angelis, etc.
• Ut de peccatis nostris Deo satisfaciamus. Mich. VII. ²⁹³⁶ (9), Iram Domini portabo quoniam peccavi. Gene. XLII. (21), Merito hec patimur, dicebant fratres Ioseph, quia peccavimus in fratrem nostrum, Ioseph, etc.
• Ut nobis et proximis proficiamus. Mt. V. (16), Sic luceat lux vestra coram (hominibus), etc. I. Ad Thi. IIII. (12), Exemplum esto, etc. Iob. IX. (26), Dies mei transierunt, quasi naves poma portantes, quasd dicat: cito transierunt, tantum odorem bone fame post se dimiserunt. ²⁹³⁷
• Ut de necessitate virtutem faciamus. In Ac. XIIII. ²⁹³⁸ (21), Per multas tribulationes, etc.
• Ut maiorem penam minori vitemus. Eccli. II. (22), Si penitentiam non egerimus, etc. Legitur in Exo. IIII. (3), quod cum Moyses proicetur virgam quam tenebat in manu in terram, virga conversa fuit in colubrum. Postea cum apprehederet caudam eius, versus est coluber in virgam. Per virgam penitentiam intelligimus temporalem, quam si proicimus, vertitur in colubrum, id est in penam eternam, set si postea eam reaccipiamus, ²⁹³⁹ coluber, id est pena eterna, convertitur in virgam, id est penam temporalem, ²⁹⁴⁰ ut post laborem requiem habeamus. Psal. (LXV. 12), Transivimus per ignem et aquam. Mt. III. ²⁹⁴¹ (2), Penitentiam agite, etc. De hac materia habes supra, in sermone: ²⁹⁴² „Pax vobis“.