Sermo 70.

Paris, Mazarine 1026, fol. 65a-65vb

Item de eodem

1. Relictis omnibus secuti sunt eum, (Luc. V. 11). Nota quod discipuli Domini reliquerunt ista temporalia:

• Quia nimis sollicitant. Luc. XII. (17), Quid faciam quia non habeo quo congregem fructus meos, etc. Eccles. II. ³⁰¹¹ (23), Cuncti dies eius erumpnis et laboribus pleni sunt. ³⁰¹² Idem. (V. 16), Cunctis dies vite mee, etc. ³⁰¹³
• Quia timorem dant. Iob. XV. (21), Sonitus terroris semper in auribus illius. Ysa. XXIIII. (17), Formido, ³⁰¹⁴ scilicet avaricie et luxurie, et laqueus, scilicet superbie, super te, per dominium, qui habitator es terre, quasi dicat: non celi. Ps. (LXXXVIII. 41), Posuerunt firmamentum ³⁰¹⁵ eius formidinem, scilicet divitis. Gene. IIII. (6), legitur quod posuit Deus signum, tremorem sui capitis, ³⁰¹⁶ in Chaym, qui interpretatur possessio. ³⁰¹⁷ Avari cum vident regem estimant predonem, cum vident pauperem suspicantur furem, cum vident parcum estimant decorem. ³⁰¹⁸
• Quia spiritualiter depauperant. Luc. XII. (21), Qui sibi thesaurizat non est in Deum dives. Hoc bene patet in divite illo de quo Luc. XVI. (1), Homo quidam erat dives. Erat, dicit, quia modo non est, ³⁰¹⁹ immo pauper. Ideo dicit Dominus in euuangelio Mt. VI. ³⁰²⁰ (19), Nolite thesaurizare vobis, etc.
• Quia eternaliter dampnant. Luc. XVI. ³⁰²¹ (22), Mortuus est dives. Prov. XXI. (7), ³⁰²² Rapine impiorum detrahent illos, scilicet in infernum. Luc. XII. (20), Stulte, hac nocte repetent animam tuam a te.

Hiis quatuor rationibus reputaverunt viri sancti temporalia ista stercora, quia ³⁰²³ nos similiter ad exemplum eorum facere debemus, quod quia avari facere renuerunt. Ideo conqueruntur sancti dicentes in libro Sapientie XV. ³⁰²⁴ (12), Estimaverunt lusum esse vitam meam, ³⁰²⁵ vitam, scilicet paupertatis, et conversationem vite, etc. Eccli. XXIX. (4), Multi quasi in negociatione estimaverunt fenus. ³⁰²⁶

1. Nota quodnota quod] notandum est quod P2 quatuor rationibus amant avari divitias suas:divitias suas] divitias, scilicet P2

• Quia paupertatem veram non approbant. Mt. XIX. (22), Cum audivit invenis verba hec, abiit tristis; erat enim habens possessiones multas.
• Quia ociositatem semper amant. Prov. XXI. (25), Desideria occidunt pigrum, etc.
• Quia alterius culpam considerant. Eccli. XXXII. (21), Peccator homo vitabit correpcionem, etc.
• Quia ditacionem parentum desiderant. Osee. IX. (13), Effraim ducit ad interfectorem, id est diabolum, ³⁰²⁹ filios suos. Da eis Domine. Quid dabis eis? Vulvam sine liberis, et ubera arentia. Quasi dicat: Da eis uxores que non gignant et si genuerint, non lac ³⁰³⁰ habeant unde lactent filios suos diabolo nutriendo. Eccli. XLI. (10), De patre impio conquerentur filii, etc. Sap. IIII. (6), Ex iniquis omnes filii qui nascentur. ³⁰³¹

1. Secuti sunt eum.

• Tanquam ductorem. Prov. IIII. (11), Viam sapientie, etc. Ysa. LXV. (2), Expandi manus meas, etc. [65vb]
• Tanquam egregium doctorem. Mt. XI. (29), Discite a me, etc. Ysa. XLVIII. (17), Ego Deus tuus, docens te utilia, etc.
• Tanquam largum remuneratorem. Mt. XIX. (29), Omnis qui relinquerit domum suam, etc.