Sermo 74.

Paris, Mazarine 1026, fol. 66vb-67ra

[marg] Dominica IXa

1. Attendite a falsis prophetis, (Mt. VII. 15). Nota quod falsi prophete sunt :

• Heretici. I. Ad Thi. IIII. (1), Spiritus autem ³¹²⁰ manifeste dicit, quia in novissimis temporibus instabunt tempora periculosa. Iere. (XXIII. 16), Nolite audire prophetas vestros. In Levit. (XIX. 26), Non augurabimini, etc. Et Apostolus quibusdam talia servantibus dicit, Ad. Gal. IIII. (10), Dies observatis et menses, etc. Deut. (XIII. 1), Si surrexerunt, etc.
• Adulatores. Ysa. III. (12), Popule meus, qui te beatum dicunt (ipsi te decipiunt), etc. ³¹²¹ Isa. V. ³¹²² (20), Veh, qui dicunt bunum malum, etc. ³¹²³ Idem IX. ( 16), Erunt qui benefecerunt populum, etc. ³¹²⁴ Eze. XIII. (10), Ipsi edificabant parietem, etc. (Garnerius): ³¹²⁵ «Pari(e)tis nomine peccati duritia designatur.» Parietem ergo edificare est contra te peccati obstacula construere. Parietem liniunt qui perpetrantibus adulantur, ut quod illi agentes perverse edificant, ipsi adulantes quasi nitidum reddant. Idem. (Eze.) XIII. (18), Veh, [67ra] que ³¹²⁶ consuunt pulvillos, etc. Gregorius: ³¹²⁷ «Quasi in pulvillo cubitus iacentis excipitur, cum correctionis duritia detrahitur ei, quia mollities favoris adhibetur ut in errore molliter iaceat, quem nulla asperitas conditionis pulsat.» Notandum quod adulatores sunt :
• • Quasi nutrices diabolice que ³¹²⁸ dormire molliter faciunt pueros eius ut hic: (Eze. XIII. 18), Veh, qui consuunt pulvillos, etc. Et quia etiam eos lactant, lacte adulationis, contra quos in Prov. XXIIII. (28), Non lactes quemquam, etc. Idem. I. (10), Fili, si te lactaverint peccatores, etc.
  • Item sunt ³¹²⁹ quasi turmellum diaboli, per quod quasi de facili intrat in corda hominum.
  • Item sunt ³¹³⁰ quasi sufflatorium diaboli, qui sufflant ab ipso ignem immissum, vel accensum. Prov. (IX. 24), Laudatur peccator, etc. ³¹³¹
  • Item ipsi sunt ³¹³² quasi sacerdotes diaboli inungentes infirmos eius. Contra quos : Ps. (CXL. 5), Oleum autem peccatoris, id est adulationis, non impinguet caput meum, etc.

• Ypocrite, quia aliud in habitu, aliud in sermone, et aliud prorsus in opere pretendunt. Locuntur enim pacem cum proximo suo, etc. Mt. XXIII. ³¹³³ (15), Veh, vobis, (scribe et pharisei hypocrite), etc, et infra (Mt. XXIII. 28) : Sic et vos, qui de (foris), etc. Ad Eph. V. (12), Qui in occulto, etc.
• Mundus, quia aliud promittit et aliud reddit :
• • Promittunt enim hic mundana sive temporalia ³¹³⁴ securitatem, et faciunt timorem. Iob. XV. (21), Sonitus terroris semper in auribus eius, etc.
  • Item promittunt ³¹³⁵ satietatem et inaniunt. Eccles. V. (9), Avarus non implebitur pecunia, etc.
  • Item promittunt ³¹³⁶ quietem et dant laborem in punctionem. Unde Dominus in Mt. XIII. ³¹³⁷ (7) vocat divitias spinas. Gregorius: ³¹³⁸ « Profecto spine sunt quia cogitationum suarum aculeos mentes pungunt » ³¹³⁹ Sap. II. (7), Non pretereat nos flos temporis, etc.

• Demonia. Strabo: ³¹⁴⁰ « Blande seducit, scilicet diabolus, set violenter ad supplicia trahit, etc. »