Sermo 78.

Paris, Mazarine 1026, fol. 67vb-68rb

Item de eodem

1. Quid audio de te, etc? (Luc. XVI. 2), scilicet de dissipatione bonorum meorum. Redde rationem villicationis tue [68ra], id est redde rationem conversationis tue, iam enim non poteris villicare, id est in seculo amplius conversari.

Notandum est quod tria debet timere peccator, quia bona Domini dissipavit :

• Primo mortem. Nec mirum, ³¹⁸² quia ut dicit Ps. (XXXIII. 22), Mors peccatorum pessima. Eccli. XLI. (1), O mors, quam amara, etc. Et in morte tria: ³¹⁸³
• • Ne pure confessus fuerit. I. Ad Cor. IIII. (4), Nichil michi conscius sum, quasi dicat : in nullo me mordet consciencia mea, ³¹⁸⁴ set non in hoc iustificatus sum, id est propter hoc iustum me ³¹⁸⁵ non reputo, quia potest in me esse ³¹⁸⁶ aliquid quod ego nescio. (Ps. XXIIII. 7), Delicta iuventutis mee, etc. Prov. XX. (9), Quis potest dicere: mundum est cor meum, purus sum a peccato.
  • Ne iniunctam penitentiam egerit. Eccli. II. (22), Si penitenciam iniunctam non egerimus, etc. Ad Heb. X. ³¹⁸⁷ (31), Horrendum ³¹⁸⁸ est incidere, etc. (Auctor incertus): ³¹⁸⁹ « Minor pena purgatorii, etc. «
  • Ne contra flagellum Domini murmuramus. ³¹⁹⁰ Eccli. XXXIII. (5), Precordia fatui, quasi rota carri. Rota enim carri portat ³¹⁹¹ et murmurat. Prov. III. (11), Disciplinam Domini ne abicias, etc. Ad Heb. XII. (5), Fili mi, noli negligere disciplinam Domini, etc.

• Secundo iudicium. Ps. (CXVIII. 120), A iudiciis enim tuis timui. In iuditio ³¹⁹² tria sunt timenda :
• • Conscientia accusans. Eccli. VII. (19), Humilia valde spiritum tuum, quoniam vindicta carnis impii ignis et vermis, scilicet remordentis conscientie. Ad Ro. II. ³¹⁹³ (15), Testimonium reddente illis conscientia ipsorum. Ysa. In fine. (LXVI. 24), Vermis eorum non morietur, etc. Eccli. XIII. (30), Bona est substantia cui non est peccatum in conscientia.
  • Iudicis severitas. Prov. VI. (34), Zelus et furor viri non parcet in die vindicte, etc. (Ps. VII. 12), Deus iudex iustus, (fortis et sapiens), etc. Et quia iustus, flecti non poterit. Et quia fortis, ei resisti non poterit. Falli etiam non poterit, quia sapientie eius non est numerus, (Ps. CXLVI. 5).
  • Imminens dampnatio. Sap. VI. (7), Potentes, scilicet in peccatis, potenter tormenta patientur. Et Prov. XIX. (29), Parata sunt derisoribus iudicia, etc. Ubi intelligi ³¹⁹⁴ dampnationis. Ysa. XIX. (6), Erit repente confestim, etc.

• Tertio infernum. Et in inferno debet quilibet peccator tria timere :
• • Fetorem intollerabilem. Ysa. III. (24), Erit pro suavi odore fetor. Ps. (X. 7), Ignis, sulphur et spiritus procellarum, etc.
  • Ignem inextinguibilem. Ysa. In fine (LXVI. 24), Vermis eorum non morietur, et ignis (eorum non extinguetur), etc. Idem. XXXIII. (14), Quis poterit de vobis habitare cum ardoribus sempiternis, etc. Mt. XXV. (41), Ite, malediti, in ignem eternam.
  • Desperationem incomparabilem. Luc. XXIII. (30), Tunc incipient dicere montibus : Cadite super nos, etc. Apoc. IX. (6), In diebus illis querent homines mortem et non invenient eam, etc, immo mors depascet eos (Ps. XLVIII. 15), sicut herba depasta iterum crescit ut depascatur, et ita mors depascet eos. Unde nota quod post mortem corporalem, ³¹⁹⁵ accidet peccatoribus in contrarium. Illum enim quod plus desiderabant dum erant in mundo erat vita temporalis, et quod plus fugiebant, erat mors corporalis. In inferno vero erit totum contrarium ut superius dixi. Gregorius: ³¹⁹⁶ «Ut sine fine moriantur, sine fine vivere compellent.» ³¹⁹⁷ Gregorius: ³¹⁹⁸ «In mors semper vivit, semper incipit, et defectus deficere nescit,»quoniam ut dicitur : «in inferno nulla est redempcio.» ³¹⁹⁹