Sermo 91.

Paris, Mazarine 1026, fol. 70va-70vb

[marg] De eodem

Item de eodem ³³⁹⁹

Homo quidam descendebat a Ierusalem in Iericho, etc, (Luc. X. 30). Homo iste humanum genus vel quemlibet hominemquilibet hominem] quilibet peccatorem P2 significat, qui per prevaricationem primi parentis a celesti Ierusalem descendit in Iericho, id est in miseriam et defectum huius vite. Iericho enim luna interpretaturLib. interp. hebr. nom. (Thiel, 326; «Iericho: luna, vel odor» (Paris, lat. 15467, f. 603vb) que crescit et decrescit et in eodem sistere nescit.

Dicit igitur ³⁴⁰² 'Homo quidam' :

Nomine indignus. Ps. (LXVIII. 29), Deleantur de libro viventium. Prov. XIIII. (11), Nomen impiorum delebitur. ³⁴⁰³
A Domino reprobatus. Iere. VI. (30), Argentum reprobatum vocate eos, quia Dominus proiecit eos.
Peccatis pluribus implicatus. Iere. II. (36), Quam vilis facta es, etc. Iere. XXX. (14), Propter multitudinem iniquitatis tue, etc.

Descendebat a Ierusalem in Iericho.

De pacis visione in perturbatione. ³⁴⁰⁴ Psal. (VI. 4), Anima mea turbata est valde, etc.
De iocunditate in merorem. Ysa. XXII. (12), Vocavit nos Dominus ad fletum, etc.
De dulcedine in amaritudinem. Ruth. I. ³⁴⁰⁵ (20), Non vocetis me Noemi, (id est pulchram), etc.

Sequitur. Et cecidit in latrones. Per latrones istos malignos spiritus intelligimus, triplici ratione, scilicet:

Quia in hominem improvise insiliunt. I. Mac. IX. (58), Dixerunt inimici Ionathe : Ecce Ionathas et qui cum eo sunt, id est prelatus et subditi eius, in silentio habitant confidentes, ³⁴⁰⁶ set nos, dicunt maligni spiritus, adducamus eis Bachidem, qui interpretatur vetustas, ³⁴⁰⁷ per quem feda peccatorum recordatio intelligitur cum delectatione, et sic capiet eos omnes una nocte. ³⁴⁰⁸ Tunc enim maxime depredant demones. Gregorius: ³⁴⁰⁹ «Mens sepe eas concordatione peccatorum ³⁴¹⁰ concutitur ut magis quam prius ad illorum perpetrationem urgeamus.» ³⁴¹¹ Ps. (CXLI. 4), In via hac qua ambulabam, etc.
Quia extra viam fraudulenter deviant. ³⁴¹² Sap. V. (7), Lassati sumus in via (iniquitatis et) perditionis, etc. Ps. (CVI. 40), Er(r)are fecit eos in invio, etc.

Quia sequestratum a via graviter opprimunt. Iere. VI. (23), Crudelis est, etc.(Strabo): ³⁴¹³ « Blande seducunt, set post violenter ad supplicia trahunt. »

Notes

3399.

Item de eodem] Dominica XVa P2

3402.

dicit igitur] dicit ergo P2

3403.

«Domus impiorum delebitur.» (vulg)

3404.

in perturbatione] in turbatione P2

3405.

Ruth I.] Unde Ruth I. P2

3406.

obsidentes Pm, confidentes P2, vulg

3407.

Lib. interp. hebr. nom. (Thiel, 255)

3408.

«Et cogitaverunt omnes iniqui, dicentes: Ecce Ionathas et qui cum eo sunt, in silentio habitant confidenter; nunc ergo adducamus Bacchidem, et comprehendet eos omnes una nocte.» (vulg)

3409.

Gregorius, Moralia (75, 905C); («Saepe autem ita mens in culpae recordatione concutitur, ut ad perpetrationem illius longe gravius quam prius capta fuerat urgeatur.»)

3410.

eas concordatione peccatorum] ex recordatione peccatorum P2

3411.

urgeamus] urgeatur P2

3412.

deviant] detrahunt P2

3413.

Strabo] Gregorius Pm, P2; Strabo, Evangelium secundum Lucam (114, 298D) (Cf. «impovisa mors carnis habitaculum irrumpit, et ad supplicia trahit»)