Sermo 94.

Paris, Mazarine 1026, fol. 71ra-71rb

Dominica XVIa

1. Nemo potest duobus dominis servire, etc, (Mt. VI. 24), invicem discordantibus,invicem discordantibus] supple: invicem discordantibus P2 ut est DominusDominus] Deus P2 et diabolus. Nam quod Deus precipit, diabolus dissuadet.

Nota quod Deus et diabolus ambo dicuntur domini hominis, set diversis respectibus. Homo similiter dicitur utriusque servus, set secundum diversum statum hominis et diversum tempus. Ad. Ro. VI. (16), Servi estis eius cui obedistis, sive peccastis ad mortem, sive obedistis ad iusticiam ³⁴³⁷ .

Notandum est quod Deus dicitur dominus hominis: ³⁴³⁸

• Ratione creationis. Ps. (XCIX. 3), Dominus fecit nos, et non ipsi nos. ³⁴³⁹ Ad Ephes. II. (10), Ipsius factura sumus, creati in Christo Ihesu.
• Ratione empcionis. I. Ad Cor. VI. (20), Empti enim estis precio magno, etc.
• Ratione tuitionis. Iere. XV. ³⁴⁴⁰ (20), Bellabunt adversum te, set non prevalebunt, etc. Iere. XX. (11), Dominus mecum est, etc.

1. Diabolus similiter dicitur dominus hominis :

• Ratione fraudulente subiugationis. II. Pe. II. (19), A quo quis superatus est, etc. Io. VIII. (34), Qui facit peccatum, servus est peccati, etc. Iob. XLI. (25), Ipse est rex super universos filios superbie, scilicet diabolus.
• Ratione violente detentionis. Isa. LII. (5), Ablatus est populus meus gratis, etc. Quasi dicat : dominus diabolus iniuste detinet hominem sub dominio suo. Non enim peccaverat homo in diabolum commedendo pomum, (set) ³⁴⁴¹ trangrediendo mandatum. Nam diabolus non fecit ipsum, nec dedit mandatum, immo ³⁴⁴² diabolus in hominem peccavit, in eo quod ³⁴⁴³ innocentem seduxit. Ysa. XXVI. (13), Dominus Deus noster Deum possiderunt absque te. ³⁴⁴⁴
• Ratione legifere remunerationis. Ad Ro. VI. (24), Stipendia peccati mors, etc.

1. Sciendum etiam quod servitium Dei est :

• Honestum. Luc I. (74), Serviamus illi, in sanctitate et iusticia (coram ipso), etc.
• Levissimum. I. Io. V. (3), Hec est caritas Dei ut mandata eius custodiamus ; et mandata eius gravia non sunt.
• Fructuosum. Io. XII. (26), Qui michi ministrat me sequatur, etc. Et infra (26) : Si quis michi ministraverit, etc. ³⁴⁴⁵

1. Contra, servitium diaboli est :

• Inhonestum. Legitur in Exo. I. ³⁴⁴⁶ (14), quod pharao rex Egipti faciebat filios Israel servire sibi in palea, scilicet superbie, et luto avaricie, et latere luxurie, que omnia valde inhonesta sunt. ³⁴⁴⁷
• Gravissimum. Iere. XVI. ³⁴⁴⁸ (13), Servietis (ibi) diis alienis, etc. [71rb] Idem. IX. (5), Ut inique agerent, laboraverunt, etc. Sap. V. (7), Lassati sumus, etc.
• Infructuosum. Ad Ro. VI. (21), Quem fructum habuistis, etc. Sap. III. (11), Vacua est spes illorum et labores sine fructu, etc. De hac materia habes superius in sermone ³⁴⁴⁹ «Dominus meus, et Deus meus».