Sermo 94/a. ³⁴⁵⁰

Paris, Mazarine 1026, fol. 71rb-71rb

[marg] De eodem

Item de eodem

1. Non potestis Deo servire et Mammone. Quod superius in generali dixerat, nunc per quoddam spirituale declarat.

Et nota quod Mammona syra lingua idem sonat ³⁴⁵¹ quod divitie in latina. Mammon enim Mammonis nomen est demonis, qui preest divitia, ³⁴⁵² non quod potestatem habeat dandi, set quod permittitur temptare per illas. Dicit ergo Dominus : Non potestis Deo servire et Mammone.

Nota quod non dicit : ‘Non potestis Deo servire et divitias’ ³⁴⁵³ sicut fecit Abraham, Iob et multi alii iusti. Potest ergo quis Deo servire et divitias habere :

• In eis cor nullatenus apponendo. Psal. (LXI. 11), Divitie si affluant, nolite cor (apponere), etc. Ad Phil. III. (8), Omnia reputavi, etc. ³⁴⁵⁴
• Eas gratis accomodando. Luc. (VI. 35), Mutuum date, nichil inde sperantes, et erit merces vestra multa.
• Eas pauperibus largiendo. Ephe. IIII. (28), Qui furabatur iam non furetur.
• Eas ³⁴⁵⁵ magis ad necessitatem corporis adquirendo. Prov. XXX. (8), Mendicitatem et divitias, etc. I. Ad Thi. VI. (8), Habentes alimenta et quibus tegamur, etc.

1. Non dicitNon dicit] Item non dicit P2 ‘Non potestis Deo servire et divitias habere’, sed ait ‘Non potestis Deo servire et Mammone’, quod faciunt avari et hocet hoc] et hoc faciunt multis de causis :

• Propter inanem gloriam. Osee. XII. (1), Effraim pascit ventum, etc. Sufficit avaro quod a populo dicatur : Ecce quomodo alte maritavit filias suas, ecce quam pulcras domos habet, et huiusmodi.
• Propter gule voluptatem. Luc. XII. (19), Anima mea, multa bona habes, etc. Idem. XVI. (19), Homo quidam erat dives, etc.
• Propter carnis suavitatem. Eccli. XLVII. (20), Collegisti quasi auricalcum aurum, etc. Iere. V. (7), Saturavi eos, scilicet bonis temporalibus, et mechati sunt, etc. Eze. XVI. (49), Hec fuit iniquitas Sodome, etc.
• Propter edificiorum preciositatem. Contra tales: ³⁴⁵⁸ Iere. XXII. (13), Veh qui edificat domum suam in iniusticia, et cenacula sua (non in iuditio), etc. Quere totam auctoritatem. Abac. II. (9), Veh qui congregat avaritiam malam domui sue, ³⁴⁵⁹ cum sit in excelso nidus eius, etc.