Sermo 98.

Paris, Mazarine 1026, fol. 72ra-72rb

[marg] De eodem

Item de eodem

1. Accessit Iesus et tetigit loculum, (Lc. VII. 14).Nota quod loculus in quo humanus spiritus fertur, est corpus humanum. Loculum istum, id est corpus humanum, tangit Dominus et suscitat spiritum mortuum tribus modis, scilicet:scilicet om. P2

• Infirmitatem (dando). ³⁵⁰⁵ Eccli. XXXI. ³⁵⁰⁶ (2), Infirmitas gravis sobriam reddit ³⁵⁰⁷ animam.
• Tribulationem immittendo. Ysa. XXVI. (16), Domine, in angustia requisierunt te. Gregorius: ³⁵⁰⁸ « Mala que nos hic premunt, ad Deum nos ire compellunt. »
• Temporalia subtrahendo. II. Reg. XIIII. (30), dicitur quod Ioab venit gratis ad Absalon cum segetem ipsius succendi ³⁵⁰⁹ fecisset, cum prius vocatus nollet venire. Luc. XV. (17), Quanti mercenarii in domo patris mei, etc.

1. Sequitur. Hii autem qui portabant steterunt. Nota quod peccatorespeccatores] portitores P2 qui peccatores ad sepeliendum deferunt sunt quatuor :

• Fidutia vivendi. Contra Iob. VII. (6), Dies vite ³⁵¹¹ velocius transierunt quam a texente tela succiditur. Eleganter ³⁵¹² dies vite nostre tele que texitur comparantur, quia sicut tela filis, sic vita nostra diebus singulis perficitur. ³⁵¹³ Set quanto augmentum percipit, tanto ad incisionem tendit. Set quare dicit: ³⁵¹⁴ dies vite velocius transierunt, etc ? Quia quandoque moritur homo antequam perveniat ad senectutem, et sic de aliis etatis gradibus, unde Ezechias Ysa. XXXVIII. (12), Dum adhuc ordirer, succidit me. [72rb]
• Levigatio peccati. Contra: de Adam qui pro esu pomi per V. milia annorum spatium ³⁵¹⁵ fuit in inferno. Prov. XIX. (25), Flagellato pestilente, etc. Exemplum ³⁵¹⁶ de catulo qui verberatur ut leo edometur. Iob. IX. (28), Verebar omnia opera mea, etc. Prov. XIIII. (16), Sapiens timet et declinat a malo. Gregorius: ³⁵¹⁷ « Quociens patientiam Iob considero, et mortem Iohannis Baptiste in mente revolvo, tibi dico, o peccator, hinc: Collige quid illi passuri sunt quos Dominus reprobat, quantaque pena tenentur impii in iuditio, dum sic feruntur qui Christo iusto teste laudantur ».
• Aliene culpe consideratio. Eccli. XXXII. (21), Peccator homo vitabit correptionem ³⁵¹⁸ , et secundum voluntatem suam inveniet sibi comparationem. III. Io. (11), Charissime, noli imitari (malum), set quod bonum est. Sap. I. (12), Nolite zelare mortem in errore vite vestre, quasi dicat : Noli invidere morti alterius, ut si ille se occidat, graviter vos occidatis, et vosmetipsos gravius.
• Venie promissio. Contra Eccli. V. (6), Ne dicas : miseratio Dei magna est, etc. Infra. (V. 4), Ne dixeris : peccavi, etc. Gregorius: ³⁵¹⁹ « Ad magnam iusticiam iudicantis pertinet, (etc.).»

1. Vel quatuor peccatorespeccatores] portitores P2 sunt:

• Operatio.
• Consuetudo.
• Delectatio.
• Desperatio.

De quibus Baruch. III. (10), Quid est, Israel, (quod) in terra inimicorum es, inveterasti in terra aliena, contaminatus ³⁵²¹ es cum mortuis, deputatus es cum descendentibus in infernum? Peccator in terra inimicorum suorum est per malam operationem. Inveteratur in terra per consuetudinem, contaminatur cum mortuis per morosam delectationem, deputatur cum descendentibus in infernum per desperationem. Hic enim sunt quatuor quibus peccator astrictus tenetur, et in infernum sepeliendum defertur.

1. Vel aliter. Portatur homo quatuor elementis,quatuor elementis] ex quatuor elementis P2 ex quibus constat :

• A terra portatur ³⁵²³ quando sola terrena cogitat. Apoc. (VIII. 13), Veh habitantibus in terra per cogitationem.
• Ab aqua portatur quando luxuriosa cogitat. Mich. II. (1), Veh qui cogitatis inutile, et operamini malum in cubilibus vestris!
• Ab aere portatur quando omnia pro humano favore facit, sicut phariseus. Luc. XVIII. (11), Gratias ago tibi, Deus, etc.
• Ab igne portatur quando ³⁵²⁴ per iram perturbatur. Ps. (LVII. 9), Supercecidit ignis, et non viderunt (solem), etc. Et alibi : impedit animum, etc.