Sermo 109.

Paris, Mazarine 1026, fol. 75vb-76ra

[marg] De eodem

Item de eodem

1. Ibi erit fletus oculorum, (Mt. XXII. 13). Hic (in) vanisvanis Pm, in vanis P2 vaganatium. Eccles. I. (2), Vanitas vanitatum, etc. Ideo dicit Ps. (CVIII. 37), Averte oculos meos ne videant vanitatem.

Sequitur. Et stridor dentium. Hic de edacitate gaudentium. Prov. XX. (17), Suavis est homini [76ra] panis mendacii, set postea implebitur os eius calculo, id est lapide ignito. Calculus manducando consumi non potest, quia lapis est, nec de ore eius eici, ³⁷⁹⁹ quia os implet.

Notandum quod pena respondebit culpe in quatuor, scilicet: ³⁸⁰⁰

• In modo. Quia eo membro quo ³⁸⁰¹ plus peccavit homo plus punietur, ut ³⁸⁰² Sap. XI. (17), Per que peccat quis, etc. Hoc bene patet in divite. ³⁸⁰³
• In numero. Quia nullum peccatum relinquitur impunitum. Iob. XX. (18), Luet qui fecit omnia, etc. Eccles. In fine. (XII. 14), Cuncta que fiunt, etc. Mt. XII. (36), De omni verbo ocioso, etc. ³⁸⁰⁴
• In quantitate. Quia si magna fuerit culpa, magna erit pena. Luc. VI. (38), Eadem quippe mensura, qua mensi fueritis, remetietur vobis. Apoc. XVIII. (6). ³⁸⁰⁵
• In qualitate. Quia qui peccaverit ³⁸⁰⁶ ardore libidis, punietur ardore ignis. Legitur in Gene. XIX. (24), quod Sodomite qui peccaverunt in ardore et fetore libidinis, puniti fuerunt in fetore sulphuris et ardore ignis. Ps. (X. 7), Ignis, sulphur et spiritus procellarum, pars calicis eorum.