Sermo 116.

Paris, Mazarine 1026, fol. 77va-77vb

[marg] De eodem

Item de eodem

1. Ostendite michi numisma census, (Mt. XXII. 19), id est denarium qui pro X. numeris computatur, et habebatcomputatur et habebat] computamur et habuerat P2 imaginem Cesaris. At illi optulerunt ei denarium.

Notandum quod V. sunt genera denariorum :

• Primus est totus stagneus, id est homo ineptus ut qui totus est pollutus in consciencia, et extra notatus infamia. Iere. VI. (30), Aurum ³⁹¹⁹ reprobum vocate eos, etc. Hic numerus reprobatur, ³⁹²⁰ nec in thesauro Domini ponitur. Ps. (XXIII. 3), Quis ascendet in montem Domini? Ille ergo non ascendet, qui proximo nocet per infamiam, ideo ³⁹²¹ displicet per cordis immunditiam.
• Secundus est stagneus ³⁹²² et foris argenteus. Talis est ypocrita. Mt. XXIII. (13), Veh vobis, etc.
• Tertius est argenteus, set reprobe monete, quia subscriptio falsa est. Hic est qui fidem verbo ornet, ³⁹²³ set opere non implet, cum sit inscriptus macula mortalis peccati. Hic numerus reprobatus est, nec ponetur in thesauro Dei. [77vb] Mt. VII. (21), Non omnis qui dicit michi ‘Domine’, etc.
• Quartus ³⁹²⁴ argenteus, set fractus. Hic est qui votum baptismi vel confessionis frangit. Iere. XI. (10), (Irritum) ³⁹²⁵ fecistis pactum meum, etc. Osee. IX. (3), Reversus est Israel, etc.
• Quintus est totus integer et argentus et bene scriptus. Ysa. XLIIII. (5), Hic scribet manu sua : Domino et in nomine Israel assimilabitur, etc. Ideo, ³⁹²⁶ hic vult esse vere christianus et vult poni in thesauro Domini. Hic, inquam, scribet, scilicet in anima, et manu sua ostendet, id est opere suo, Domino, suple: sermonem, et qui sic inscriptus fuerit, in nomine Israel assimilabitur, id est vocabitur vir videns Deum. Talis esto si vis poni in thesauro Domini. Sicut enim Cesar exigit impressionem sue imaginis, sic et Deus animam lumine vultus sui insignitam. Ps. (IIII. 7), Signatum est super nos, etc.