Sermo 120. ³⁹⁵⁷

Paris, Mazarine 1026, fol. 78rb-78va

(Item de eodem) ³⁹⁵⁸

1. Recedite, non est enim mortua, set dormit, (Mt. IX. 24). Nota quod per tibicines, qui eiecti sunt de domo, adulatores intelligi possunt qui mortuos in peccatis suaviter quiescere faciunt. Ps. (X. 3), Laudatur peccator in desideriis, etc. Per turbam tumultuantem strepitus temporalium, sive secularium rerum intelligitur, qui eiciendus est de domo mentis, ut spiritus peccatoris requiescat. Tren. III. (28), Sedebit solitarius, etc. Spiritus enim qui suscitarisuscitari] resuscitari P2 desiderat, sedebit solitarius, etc. Separatus a strepitu temporaliumtemporalium] secularium P2 solicitudinum, et tacebit, scilicetscilicet om. P2 a clamore carnalium desideriorum, quia levabit se,levabit se] super se add. P2 scilicet spiritualem et hoc pennis virtutum, super se, scilicet carnalem.
2. Isti de domo mentis eiciuntur et alii introducuntur :

• Pater et mater veniunt ³⁹⁶³ ad suscitationem puelle. Nam ad suscitationem anime peccatricis introducendi sunt pater et mater, scilicet illi de quibus Iob. XVII. (14), Putredini dixi : Pater (meus es), etc. Pater meus, ³⁹⁶⁴ quia de putredine tamquam de patre genitus fuit. Mater mea, et soror mea, vermibus. In verme sunt duo, inmunditia et infirmitas. Vermes igitur sunt mater mea, quia de inmundicia processi, et soror mea quia infirmitas mecum nata. ³⁹⁶⁵ Vel ut soror mea mecum vivit, et tamquam vermis me semper consumit. Recogi[78va]tet ergo penitens se esse putredinem et indigentem. Quia tam vilis putredo ³⁹⁶⁶ presumit contra Deum calcaneum erigere.
• Iohannes, id est gratia ³⁹⁶⁷ movens contrictionem. ³⁹⁶⁸ Mich. IIII. (10), Dole, satage, filia Syon, etc.
• Petrus qui agnoscens interpretatur, ³⁹⁶⁹ quia oportet quod peccator cognoscat culpam suam antequam suscitetur. Ps. (L. 5), Iniquitatem meam ego agnosco, ³⁹⁷⁰ etc. II. Reg. Ultimo. (XXIIII. 17), Ego sum qui peccavi.
• Iacobus qui supplantator interpretatur. ³⁹⁷¹ Necesse est enim ut penitens supplantet diabolum per confessionem. Osee. X. (11), Arabit Iudas, id est verus confitens, et hoc mediante vomere confessionis, et confringet sulcos Iacob, id est singula peccata, dicet: minutatim supplantabit. ³⁹⁷²

1. Sequitur. Non est mortua puella, set dormit. Quasi dicat Dominus:Dominus om. P2 Sic est facile michi mortuam puellam resuscitare, sicut est alicui dormienti a sompnis excitare.alicui dormienti a sompnis excitare] alicui dormientem a sompno excitare P2 Vel 'dormit' dicit, quia qui peccavit in presenti nondum mortui sunt set dormiunt, quia per penitentiam suscitarisuscitari] resuscitari P2 possunt.