Sermo 121.

Paris, Mazarine 1026, fol. 78va-78vb

[marg] De eodem

Item de eodem

1. Si tetigero fimbriam vestimenti eius, etc, (Mt. IX. 21). Hec mulier significat fidelem animamAnimam] anima cod. que XII. annis patitur fluxum sanguinis cum transgrediatur X. precepta decalogi et duo precepta caritatis. Set ad hoc quod sanetur necesse est :

• Primo ut ad Deum per penitentiam veniat quod notatur cum dicit : Accesit, etc. Osee. ³⁹⁷⁷ II. (7), Vadam, revertar ad virum priorem.
• Secundo ut verecundiam et timorem habeat quod notatur cum dicit : retro. Luc. XVIII. (13), Puplicanus autem a longe stans, etc. A longe stabat, ut verecundus et timidus.
• Tertio ut fimbriam vestimenti Domini tangat, quod notatur cum dicit : Et tetigit fimbriam, etc, (Mt. IX. 20). Vestimenta Domini sunt viri sancti qui Deum bonis operibus suis ornant. Ysa. XLIX. ³⁹⁷⁸ (18), Hiis omnibus velud ornamento vestieris. Gal. III. (27), Quicumque enim (in Christo) baptisati estis, etc. Fimbria vestimenti huius ³⁹⁷⁹ est beata virgo que per humilitatem suam tangit terram. Luc. I. (38), Ecce ancilla Domini, etc. Si ergo hanc fibriam peccatrix anima tetigerit manu bone operationis, salua erit.

Consuetudo enim est in quibusdam regionibus, quando ³⁹⁸⁰ aliquis malefactor capitur, si ante sententiam potest fugere ad aliquam dominam et pallium eius tenere, parcitur ei, et absolvetur. ³⁹⁸¹ Et peccator si ante sententiam, id est ante mortem, accesserit cum devotione ad reginam celi et terre, et maxime si teneat fimbriam humilitatis eius manu bone operationis, vel sono pie orationis.

1. Vel aliter. [78vb]

Si tetigero fimbriam vestimenti eius, etc. Vestimenta Domini sunt viri iusti. Fimbria huius vesti sunt pauperes. Fimbria ultima pars est vestis. Sic et pauperes abiecti et viles sunt et ultimi inter homines. Hanc ergo fimbriam debet tangere peccatrix anima pauperi elemosiam ³⁹⁸² porrigendo. Eccli. VII. (36), Pauperi porrige manum tuam, etc. Non sunt ergo ut dicit Eccli. IIII. ³⁹⁸³ (36), Manus tue ad accipiendum porrecte, et ad dandum collecte. Immo, sicut dicit Dominus habenti manum aridam : Mt. XII. (13), Extende manum tuam, et hoc ³⁹⁸⁴ tripliciter:

• Pauperi subveniendo. Ysa. LVIII. (7), Frange esurienti panem tuum, etc.
• Bene operando. Eccles. IX. (10), Quodcumque potest manus tua, etc.
• Deum deprecando. Tren. III. (41), Levemus corda nostra cum manibus ad Dominum. Gregorius: ³⁹⁸⁵ « Cor cum manibus ad Deum levat, qui orationem suam operibus iuvat. »