Sermo 123.

Paris, Mazarine 1026, fol. 79ra-79rb

[marg] De eodem

Item de eodem

1. Si tetigero fimbriam, etc, (Mt. IX. 21). Hec mulier patiebatur fluxum sanguinis, qui multiplex est, scilicet :

• Superbie. Iste non permittit edificare domum Domino. II. Reg. (VII. 5), Non edificabis michi domum, etc. Istum fluxum restringit recordatio passionis Christi, quod significatum fuit in Exo (VII. 20) quando ad tactum virge fecit ³⁹⁹⁴ umbra maris rubri. Similiter superbi tacti virga crucis humiliantur. Recogita ergo regem regum. Ysa. LIII. (2-4), Novissimum virorum […] et humiliatum et humiliabilis.
• Avaritie. Iste facit hominem Deo abhominabilem. ³⁹⁹⁵ Ps. (V. 7), Virum sanguinum (et dolosum) abhominabitur (Dominus), etc. Iste restringitur passione Christi quod significatum fuit in Iosue (III. 13), ubi aque Iordanis steterunt ad tactum arche que significat Christum. Et hoc propter tria que ibi erant :
• • Virga que recta est in qua notatur Christi iusticia. Psal. (CXVIII. 137), Iustus et rectus Dominus, etc. Psal. (CXIIII. 5), Deus meus iustus, etc. Idem. (X. 8), Iustus Dominus et iusticias dilexit, etc.
  • Urna aurea per quam designatur Christi anima. In urna manna, ³⁹⁹⁶ et in Christo deitas, quia ipse Deus et homo. Perfectus Deus, perfecus homo.
  • Lex et in Christo ³⁹⁹⁷ omnes thesauri sapientie et scientie Dei ³⁹⁹⁸ absconditi, et ³⁹⁹⁹ hanc archam portant omnes iusti per bonam operationem et quorum pedes, id est affectus, cum tangunt Iordanem, id est rivum iudicii, id est passionis Christi, stant aqua, id est debent stare fluxus temporalium. Ps. (XXXI. 6), In diluvio aquarum multarum, etc. Contra ⁴⁰⁰⁰ cogita Chistum nudum pendentem in cruce. [79rb] Tunc fuit impletum illud. Mt. (VIII. 20), Vulpes foveas, etc.

• Luxurie. Iste facit hominem immundum et fetentem. Ioel. I. (17), Computruerunt iumenta, etc. Unde in Levit (XV. 2), Vir patiens fluxum seminis, ⁴⁰⁰¹ inmundus erit. Set restringitur per passionem Christi cogitatam totam sanguinolentam. ⁴⁰⁰² Bernardus: ⁴⁰⁰³ « Si crux Christi, etc ». ⁴⁰⁰⁴
• Gule. Iste reddit hominem vite sue ⁴⁰⁰⁵ et gehenne inmemorem. Eccli. XXXVII. (32), Noli esse avidus in omni epulatione, etc. Ista restringitur recordatione passionis Christi, et ideo recordare Dominum ⁴⁰⁰⁶ esurientem et sitientem. (Balduinus Cartuariensis): ⁴⁰⁰⁷ «Si Christus clamans in cruce sitit et esurit, et corda nostra gravantur crapula et ebritate, non est eque partitus ludus iste.» Item: ⁴⁰⁰⁸ Ex fellis et aceti poculo discatis pocula mellita, et aromatibus condita respuere, quia «non decet spinato capite membrum esse delicatum.»

1. Nota quod multa bona facit nobis passio Christi:Nota quod… passio Christi] Et notandum est quod multa bona nobis facit passio Christi, que sunt hec P2

• Mortuum suscitat. IIII. Reg. XIII. (21), cum tetigisset Helyseus revixit mortuus. ⁴⁰¹⁰
• Cecum illuminat ut longinum qui lancea aperuit latus Domini, sicut dicitur in Ecclesiastica historia. ⁴⁰¹¹
• Vulneratum sanat. Numeri. (XXI. 9), ⁴⁰¹² de serpente quem aspiciebant ⁴⁰¹³ et sanabantur.
• Animosum reddit. I. Mac. VI. (34), Elephantis ostenderunt sanguinem uve et mori, ut animarent eos ⁴⁰¹⁴ ad prelium.
• Amarum dulcorat. Ierominus: ⁴⁰¹⁵ « Quomodo dicenda crux Christi insipida, qui ⁴⁰¹⁶ iam dulcescit in flamma. » Item. (Exo. XV. 25) ⁴⁰¹⁷ de ligno quod posuit Hely in aquis Marath. Item. IIII. Reg. IV. (41), de farina Helisei. Exemplum ⁴⁰¹⁸ de monacho cisterciensi cui ostendit beata Virgo crucifixum sanguinolentum ut ibi condiret panem durum. ⁴⁰¹⁹
• Ad regnum perducit. Bernardus: ⁴⁰²⁰ « Non te pigeat videre serpentem in palo pendentem, si vis videre regem in solio residentem. » Item. ⁴⁰²¹ « Si videre volueris (eum) sicuti est, vide eum sicut pro te passus est. » Item: ⁴⁰²² « Homo ostendit tibi manus, etc. » Quere supra. ⁴⁰²³ Hic est liber vite expansus, qui non penna set lancea, non scriptoris colore set crucifixi cruore scribi dinoscit. ⁴⁰²⁴ In hoc autem libro lectionem dilectionis ⁴⁰²⁵ legere poteritis, quoniam non facile mundi magistros invenietis. ⁴⁰²⁶