Variante du sermon 126. ⁴¹⁵³

Paris BN lat. 15946 fol. 40va-40vb

Item de beata Virgine

1. Fac tibi archam de lignis levigatis, (Gene. VI. 14). Per archam istam beata Virgo intelligitur que fuit archa sanctificationis. Comparatur autem arche Noe beata Virgo propter ista que secuntur unde versus: 

[marg V(ersus)]: manssio, clausa, salus, amena quies, cibus, ingens, mons, conus, rector, aqua, ligna, fenestra, bitumen

In beata Virgine manssiones sunt, Ps. (LXXXVI. 7), Sicut letantium omnium habitatio est in te. Sap. XIIII (5), Exiguo ligno commendant homines animas suas. In illa archa bene est anima salva.

• Hec archa fuit clausa per integritatem carnis. Eze. XLIIII. (2), Porta hec clausa erit, etc. Clausa etiam fuit eius mens ab omni mala cogitatione.
• Salus etiam fuit non tantum mundorum, set etiam immundorum, Gene VII. (2), Septena et septena etc., et duo et duo, quasi : non iustos tantum, set etiam peccatores ad penitentiam et ad misericordiam venient meritis beate Virginis, Eccli. XXXVI. (27), Ubi non est mulier, ingemiscit egens.
• [40vb] Amena quies fuit beata Virgo quia ibi iustus et pauper et peccator requiescunt, sicut archa requievit in Armenia, Eccli. XXIIII. (11), In omnibus requiem quesivi et in hereditate Domini morabor.
• Cibus est, Cant. V (1), Comedite, amici mei etc., Eccli. XIIII. (26), Transite ad me omnes qui concupiscitis me .
• Ingens id est magna fuit, Baruch III. (24), Israel, quam magna est domus Domini, etc. Eccli. XXIIII. (41), Ego trames aque immense, etc.
• Mons, Gene. VII. (2), Quindecim gradibus altior fuit aqua super montes, quia XV gradibus altior fuit beata Virgo super omnes sanctos, Ps. (VIII.2), Elevata est magnificentia tua etc.
• Conus, Gen. VI. (16), In cubito consumabis eam, et in Eccli. (III. 20) dicitur : In quanto magnus es etc., humilia te in omnibus.
• Faber vel actor vel rector istius arche fuit Noe, id est requies. Et qui fabricavit eam requievit in ea, Eccli. XXIIII. (12), Et qui creavit me requievit in tabernaculo meo, et etiam gubernavit eam, Sap. XIIII. (3), Tu autem, Pater, providentia guberna tempus.
• Ligna, Gen. VI. (14), Fac tibi de lignis levigatis, et ipsa etiam fuit tota plena operibus caritatis.
• Fenestra altissima que lucem admisit, fluctus exclusum. Hec est discretio. Eccli. (XXXVI.23), Omne masculum excipiet mulier, excipiet, id est pater virum concipiet.