Sermo 127.

Paris BN. lat. 40va-40va

Item de beata Virgine

1. Ego quasi vitis fructificaui etc., Eccli. XXIIII. (23). Per vitem beata Virgo designatur. Vitis enim est ipsa que produxit vinum leticie, id est Christum, ad litteram cito fertilis que XIII annorum dicitur fuisse quando concepit, de qua dicitur Prov. XXX. (19), Viam viri in adolescentia sua etc. Item culta fuit sarculo discipline. Item putata pubertate. Cant. II. (12), Tempus putationis advenit. Item fluens lacrimis iuxta crucem. Item lenta id est flexibilis unde ipsa est mater misericordie.

Item hec vinea:

• Odit talpas id est avaros et luxuriosos. Deut. XXIII. (17), Non est meretrix neque fornicator, etc.
• Item odit vepres, id est peccata, Prov. XIIII. (30), Per vineam stulti viri.
• Colit montes, id est sanctos, set tamen non nisi sint petrosi, Mt. VI.(18), Super hanc petram etc.

Item hec vinea est:

• Florida, Cant. VII. (12), Mane surgamus ad vineas etc. Nam vinea mea floruit.
• Item rata est, quia medullosa, unde de ipsa dicitur quod est pia gestans visceras, etc.