3 - Prières d'exorcisme du rituel de Prüm, Munich, Bayerische Staatsbibliothek, Clm 100

(fol. 110) Benedictio super energuminum vexatum a demonio Omnipotens sempiterne deus, a cuius facie caeli distillant, montes sicut cera liquescunt, terra tremit, cui patent abysi, quem infernus pavescit, quem omnis irarum motus aspiciens humiliatur : te supplex depraecor, dominator domine, ut inuocatione nominis tu ab huius famuli tui vexatione inimicus confusus abscedat, et ab huius possessione anima liberata ab auctore suae salutis recurrat liberatoremque suo, diabolico fetore depulso et odore suauissimo spiritus sancti precepto, sequatur. Per.

(fol. 110-110v) Super energumenum baptizatum Deus angelorum, deus archangelorum, deus prophetarum, deus apostulorum, deus martyrum, deus uirginum, deus pater domini nostri iesu christi, inuoco sanctum nomen tuum hac preclare maiestatis tuae <clementiam supplex exposco> ut mihi auxilium prestare digneris aduersus hunc nequissimum spirituum, ut ubicumque latet, audito nomini tuo, uelociter exiat et recedat. Ipse tibi imperat, diabule, qui ventus et mare vel tempestatibus imperauit. Ipse tibi imperat qui te de superna celorum in inferiora terre demergi precepit.

(fol. 110v) Exorcismus Ipse tibi imperat qui te retrorsum redire precepit. Audi ergo et time satanas, uictus et prostratus, abscede in nomine domini nostri iesu christi. Tu ergo, nequissime satanas, inimicus fidei generis humani, mortis raptur, iustitiae declinatur, malorum radix, fomis uitiorum, sedoctor hominum, perditur gentium, incitatur inuidiae, origo auaritiae, causa discordiae, excitatur dolorum, demonum magister, quid stas et resistis cum scis eum tuas perdere uires ? Illum metuae qui in isahac ammolatus est, in ioseph uenundatus in agno occissus, in homine crucifixus, deinde triumphatur. Recede in nomine patris et filii et spiritus sancti, et da locum spiritui sancto per hoc signum crucis christi domini nostri qui cum patrem et spiritu sancto uiuit.

(fol. 110v -111v) Item coniuratio Deus, conditur et defensor generis humani, qui hominem ad imaginem et similitudinem tuam manibus tuis sanctis et propitiatio tuae diuinitatis ore formasti, respice super famulum tuum hunc, qui dolis inuidi serpentis adpetitur, quem uetus aduersarius et hostes anticus adre formidinis horrore circumuolat et sensum mentes humane stupore defugit, terrore conturbat et metu trepidi timoris exagittat. Repelle domine uirtutem diabuli, fallacis insidias, procul impius tempatatur aufugiat + sed in nominis tui signo famulus tuus et animo totus et corpore. Tu peccatoris huius in eterna custodias tu uiscera regas, tu corde confirmis ; inania aduersarie potestatis temptamenta euaniscant. Da ad hanc inuocationem nominis tui gratiam, ut qui hucusque terrebat, territus habeat et uictus abscedat. Tibique possit hic seruulus tuus corde firma et mens sincere deuictum presere famulatum. Per.

(fol. 111v) Pro infante vexato Domine sancte pater omnipotens sempiterne deus, uirtuem tuam totis exoro gemitibus pro huius a diabulo oppressa infantia. Qui etiam indignis inter pressuras donas presidium, exurge pro infantia debellata et noli diu retinere uindictam, nec ante conspectum tuum ueniant parentum delecta qui nec pro filio patrem nec pro patrem promisisti filium iudicare. Auxiliare quesumus inimici furore vexato, ne sine baptismate facies eius animam a diabulo possidere, sed potius tenere aetas, maligno obpressionibus libera, tibi referat gratias sempiternas. Per.

(fol. 111v-112) Item Domine sancte pater omnipotens eterne deus osanna in excelsis, pater domini nostri iesu christi, qui illum refugam tyrannum gehenne deputasti, qui unigenitum tuum in hunc mundum misisti ut illum rugientem leonem contereret, uelociter adtende et accelera ut eripias hominem tuis formatum manibus a ruina et demonio meridiano. Da domine terrorem tuum super bestiam qui exterminat uiniam tuam, da fidutiam seruis tuis contra nequissimum draconem fortiter stare, nec contempnat sperantes in te et dicat sicut in faraonem iam dixit : Deum non noui nec israel non dimitto. Vrguat illum domine dextera tua potens discedere a famulis tuis ne diutius presumas captiuam tenere hominem, quem tu ad imaginem tuam facere dignatus es.

(fol. 112-114) Adjuratio Adiuro ergo te serpens antique, per iudicem uiuorum et mortuorum, per factorem mundi, per eum qui habit potestatem mittere te in gehennam, ut ab hunc famulum dei qui ad ecclesiae presepia concurrit, cum metu exercitu furoris tui festinus discedas. Adiuro te, non meam infirmitatem sed uirtute spiritus sancti, ut desinas ab his quos omnipotens deus ad imaginem suam fecit. Cede, cede non mihi sed misteriis christi. Illius enim te perurguat potestas, qui te adfygens crucis suae subiugavit. Illius brachium contremisce qui deuictis gemitibus inferni, animas a lucem produxit. Sit tibi terror corpus hominis, sit tibi formido imago dei, nec resistas nec moreris discendere ab homine, quoniam conplacuit christo ut in homine habitaret.

Et ne me infirmissimum contemnandum putes, dum me peccatorem nimes esse cognuscis. Imperat tibi dominus, imperat tibi magistas christi, imperat tibi deus pater, imperat tibi filius et spiritus sanctus, imperat tibi apostulorum fides sancti petri et pauli uel cetiorum apostulorum, imperat tibi indulgentia confessorum, imperat tibi martirum sanguis, imperat tibi sacramentum crucis, imperat tibi misteriorum virtutis. Exi transgressor, exi sedoctur, plene omni dolo et fallatia, ueritatis inimice, innocentium persecutur.

Da locum, durissime, da loco impiissime, da locum christo in quo nihil inuenisti de operibus tuis, qui te expoliauit, qui regnum tuum distruxit, qui te uictum ligauit et uasa tua disrupit, qui te proiecit in tenebris exterioris, ubi tibi cum ministris tuis erat preparatus interitus. Sed qui nunc, turbulente recogitas ? Quid, temerariae, retractas ? Reus omnipotenti deo cuius statuta transgressus es, reus filio eius iesu christo quem temptare ausus es et crucifigere presumpsisti, reus humani generis cui mors tuis persuasionis venit.

Adiuro ergo te, draco nequissime, in nomine agni inmaculati qui ambulat super aspidem et baseliscum, qui conculcauit leonem et draconem, et discedas ab homine, discedas ab ecclesia dei. Contremisce et effuge, inuocato nomen domini illius quem inferni trement cui uirtutis celorum et potestatis et dominationis subiecte sunt, qui cherubin et syraphyn indefensis uocibus laudant.

Imperat tibi uerbo caro facto, imperat tibi natus ex uirgine, imperat tibi iesus christus nazarenus qui te cum discipulis eius condempneres et heliseum prostratum exire iussit ab homine. Quo presente, cum te ab homine separassit, nec porcorum gregem presumebas contingere. Recede ergo nunc adiuratus in nomine eius ab homine quem ipse plasmauit. Durum tibi est contra stimulum calcitare, quia quicquid tardius exis supplicium tuum crescit, quoniam non hominem contempnis sed illum qui dominatur uiuorum et mortuorum est, qui uenturus est iudicare seculum per ignem.

(fol. 114 v) Item coniuratio Coniuro te et contestor, diabole, per nomen domini nostri et imperium eius et per virtutem sanctae trinitatis et omnipotentiae eius, ut exeas, Satana, et omnis diabolica potestas de homine isto, absque lesione animae et corporis sui ; ut exeas omnino, nec discurrere nec latere, nec servire in corpore istius et spiritu et anima aut vestimento presumas, sed profugus abscedas nullumque vestigii tui signum aut doloris in anima eius, vel in carne, vel in ossibus derelinquas. Exi, inmunde spiritus, quicumque es, aut unus aut plures, qualecumque sit tibi nomen. Exi velociter de capite, de capillis, de vertice, de fronte, de omni compagine membrorum, adiuratus per nomen sanctae et individuae trinitatis. Exi, anathema, non remaneas nec abscondaris in ulla compagine membrorum istius, aut flatu eius, nec in ullo angulo domus eius, nec per ullum augmentum aut calliditatem te caelare presumas, neque quae sunt eius contingas aut obsideas, non vestimenta illius, non pecora, non iumenta, sed catenatus et refrenatus per imperium et potestatem et regnum domini nostri Iesu Christi, creatoris mundi, exul effugias partesque illas petas, ubi nullam Dei creaturam ledere presumas. Da honorem Deo omnipotenti, sub cuius omnia domantur imperio, cui insensibilia obediunt elementa. Virtus illius te expellat et exire cogat cum omni turba tua, qui de Maria Magdalena septem demonia fugavit, qui regna mortis per te inventa destruxit et de potestate tua electos suos abstulit. Ipse est rex gloriae, qui ex ore patris procedit ante luciferum. Qui venturus est.

(fol. 114 v- 115) Item Alia. Adiuro te, per Deum altissimum, maledicte Satana, ne famulum suum artibus tuis temptare nitaris, neque eum violentum teneas. Contremisce, inmunde spiritus, principium sceleris malorumque omnium radix, transgressor viae et veritatis, iustitiae persecutor, doctor fornicationis, parricidii magister, dissipator pacis, semen discordiae pessimum, dux tenebrarum, mortis inventor, tartari ianua, vorago gentium omniumque criminum causa. Separa te a filio Dei, sicut separavit Deus pater caelum et terram, mortem et vitam, septentrionem a meridianis, lucem a tenebris, veritatem a mendacio, iustitiam ab iniquitate, amorem ab odio, castitatem ab impuditia. Sic te separa, maledicte, ab homine isto, dans honorem Deo. Exi, maledicte Satanas, ab hoc homine, ut spiritus sanctus perseveret in eo, per Iesum Christum dominum nostrum. Qui venturus.

(fol. 115) : Tunc legantur super caput eius ista evangelia

Conuocatis iesus duodecim discipulis dedit illis uirtutem et potestatem… (Luc 9, 1)

Ecce dedi uobis potestatem calcandi… (Luc 10, 19)

Cum inmundus spiritus exierit ab homine, ambulat per loca inaquosa querens requiem et non inueniens dicit : "Reuertar in domum meam unde exiui". Et cum uenerit, inuenit scopis mundatam et ornatam et tunc uadit et adsumit septem alios spiritus nequiores se et ingressi habitant ibi et sunt nouissima hominis illius peiora prioribus. (Luc 11, 24-27)

"Aggredior te inmundissime spiritus et damnate atque dampnande cuiuscumque sis ordinis aut officii te increpans te adjurans.

Exorzizo te et obtestor

per invocationem sanctissimi nominis domini nostri iesu Christi et per incarnatione eius et passione et per mirabilem eius ascensionem in celos et per adventu spiritus sancti paraclyti et per eius districtum iuditium in quo dampnandus es cum omnibus iniquis in eternum supplicium sine fine cruciandus et per ipsam cruce in qua ipse Ihesus Christus filius diuinum suo proprio sanguine delevit peccata mundi et ipse hominem per se ad suam imaginem plasmatum per te et principem tuum sola inuidia tue malitie deprauatum atque corruptum redemit ut in quacumque parte corporis hominis istius lateas te amplius occultare uel celare ne audeas. Sed tua propria professione confusus manifestare ne desinas et ita adiuratus a nobis atque a domino nostro dampnatis et iussus sine mora exeas et recedas ad homine isto ne amplius habeas potestatem illum inquietare et [] aut aliqua fantasia tue inmense malitie ultra uiolare. Hoc tibi fit interdictum per eundem dominum nostrum iesum christum filium dei uiui qui uiuit et regnat cum domino patre suo in unitate spiritus sancti trinus et unus uerus et sempiternus deus permanens in secula seculorum. Amen

Textes de référence