1. Illud1428 fraternitas tua amori meo potuisset inpendere, quod uera liberalitate cum tribuentis conpendio proficeret et pudori, in ea scilicet parte, ut cum indices studii mei litteras iam teneres, ab scriptionis te cura suspenderes. Quisquamne coloratis frontem pingit inlecebris et famam ualida inpugnatione labefactat, nec manifesta excusatione contentus male credulae conscientiae sufficere non aestimat quod probauit ? 2. Qui uario sapore conloquii edacium amicorum fauces inritat, ut dum blanda subicit, definita permutet ? Nam postquam me silentium amare rescripseram, quasi pro allegationis responso prolixiores paginas inpetraui et diu forte repositum post negationem meam eloquii uber elicui. Quid faceres, si certamina promisissem, si studiorum tuorum feruorem quocumque dente incautus adtingerem nec mei idoneus aestimator penetralia tuta seruarem ? 3. Adhibita, credo, aduersus me fuisset Tulliani profunditas gurgitis, Crispi proprietas, Varroniselegantia, nec in ulla inuenissem parte subsidium, cui nec illud profuit, quod scribendi contentiones, nec cum reticerem lacessitus, effugi. Me etsi peritiae conscientia et conscientiadicendi uigor adtolleret, post diuersa1429 scribentum discrimina laudem, quam multo sudore uos petitis, formidarem. 4. Huc adcedit, quod rhetoricam in me dixisti esse uersutiam, cum diu sit quod oratorium schema affectus a me orationis absciderit et nequeam occupari uerborum floribus, quem ad gemitus et preces euocat clamor officii. 5. Delenifica ergo et malesuada conpesce conloquia. Si ficta sunt quae scribis et peniculo decorata mendacii, muta propositum uel posteaquam uides mentem innotuisse qua feceris. Si uera sunt et a iudicii lance descendunt, profundo ea pectoris include secreto, ut reuerentiam diligentiae, dum amico res integras seruas, exhibeas. Mihi immutabile cor custodiens alios demulce conloquiis. 6. Ecce epistolae modum, dum productae paginae cupio respondere, transcendi. Sed non est culpa speciali plectenda supplicio, quae in erratis habet auctorem. Domine mi, salutationem debendam restituens, precor, ut si desideriis meis, quae de amore taciturnitatis concepi, pernix te scrutator interseris, saltim occupationibus, quibus inpedimur, ignoscas.
XVI. 1. cum tribuentis BVLDA,edd. : contribuentis TCP,b || teneres codd.,edd. : -bres B || suspenderes CP,edd. : -ris BVLDAT || labefactat codd.,edd. : -facta L || aestimat codd.,edd. : exti- D || 2. rescripseram B,Hart.Vog. : re- om. P 1 ,bSirm. || faceres codd.,edd. : -ceris B || incautus codd.,edd. : -caustus B ac || aestimator B,edd. : exesti- VLexisti- DATCP || 3. crispi B,Hart.Vog. : crisippi codd.chryspii bchrysippi Sirm. || varronis BVLDAT,Sirm.Hart. : maronis CP 2 ,bVog.|| elegantia codd.,edd. : eloquentia elegentia D.
4. quem codd.,edd. : quod A || 5. conloquia B,edd. : -quii codd. || scribis codd.,edd. : -bes B || mendacii codd.,edd. : -datio B ac || uides codd.,edd. : -dis B 1 || mentem codd.,edd. : mentem uncis incl. Sirm. || qua B,Hart.Vog. : quae codd.,Sirm. qua ea prop. Hart. || pectoris codd.,edd. : peccatoris B 1 || demulce codd.,edd. : -cens D. || 6. debendam codd.,edd. : -uendam B || saltim codd.,edd. : -tem V || inpedimur codd.,edd. : inpen- B ac T.