1. Probabiles1817 causas habeo, quibus unianimitatem uestram stili mei morsu quamuis rubigine sordentis incessam, quas, cum sis abundans naturae bonis et ingenii facultatibus locuples, purgare non possis. Ego umquam credidi ad alium reditus uestri citius indicia posse perferri ? Ego curam mei inter quasuis occupationes, illud amicis censui consecratum pectus excedere. ? 2. Ecce ante oculos meos redduntur aliis paginae et amica expectatio sub omni credulitatis meae despectione frustratur. Nolo litteras maiori obiurgationis felle conplere ; sufficit tristibus stricta narratio. In eo adhuc animus meus, quo magnitudinem tuam discedentem monuit, persistit statu : uestrum est, si temporum mala contemnitis, promissam seruare concordiam. 3. Salue, mi domine, et amantem tui releua communione sermonis, ut scribendo deleas dolorem, quem uides amico per scriptionis abstinentiam contigisse.
XVIII. 1. unianimitatem BL 1 ,Vog. : unanimitatem cett. || sordentis codd.edd. : -tes B ac || et BVLDAET,edd. : om. CP,b || inter BVLDAET,edd. : om. CP,b || quasuis codd. : quas uix A || 2. credulitatis codd. : crudelitatis V 1 DT 1 credelitatis V 2 L || maiori codd. : om. CP,b || 3. uides codd. : -dis B || ualete add. A.