1. Quater1854 ad magnitudinem uestram scripta prorogaui et adhuc tamquam deses accusor. Lingua militauit affectui : adsiduitas diligentiam non meretur. Credo portitoris aut neglegentia aut inuidia ad hanc me offensam fuisse perductum. Ecce tamen scripta multiplico et pro uoto uestro prosperitatis meae indicia faciens de uestra cupio felicitate gaudere. 2. Salue, mi domine, et amantem uestri sub omni dignatione releuate, quia deo proximam rem facitis, patrocinio uestro credentem plena fide et communione releuare.
XXI. 1. deses ACP,edd. : desis BVLT 1 || 2. dignatione codd.,edd. : indignatione D || uale add. A.