Annexe 3 : Lettrine (BB24 f1)

Annexe 4 : Définition de la charge de secrétaire de la ville après sa séparation de la charge de procureur ²⁶⁵⁸

1506, BB25 f2-v.

« Ledit secrétaire dudit consulat aura charge venir et assister à toutes les assemblées qui se feront par lesdits conseillers audit hostel commun, ou ailleurs en ladite ville, pour escripre et enregistrer les ordonnances et apointemens desdits conseillers ensemble, toutes autres actes du consulat et sur ce faire papiers et actes en forme aprobatoire signez de son seing et les expédier au prouffit de ladite ville.

Item plus, aura charge faire et expédier l’instrument du scindicat chacun an ainsi qu’il est acoustumé ;

Item plus, aura charge quant aucuns deniers seront mis sus en ladite ville par taille, emprunct ou autrement faire les papiers, chartreaulx ou rolles à ce nécessaires ;

Item, escripre et mectre au net les comptes qui toucheront les affaires communes, recevoir et stipuler les fins et clostures d’iceulx ;

Item, et tous autres contractz perpétuelz et à temps qui se passeront par lesdits conseillers pour les affaires de ladite ville ;

Item recevoir et expédier tous mandementz et descharges par iceulx conseillers et généralement toutes autres escriptures, doubles de copies, mises au nect, mynutes de mémoyres, insjonctions, articles, lettres patentes ou missives et autres circonstances et deppendances ».