Emptio Ser Andree parmensis et Ser Vincentius Vaugris librariorum a magitro Petro Iacobi sutore et cetera
In Christi nomine amen Anno nativitatis eiusdem millesimo quingentesimo trigesimo secundo indictione quinta Die vero lume sextodecimo mensis decembris: Prudens vir magister Petrus Jacobi brixiensis sutor habitator in confinio sancte Marie Formose Venetiarum per se et heredes ac successores suos dedit vendidit et alienavit discretis viris ser Andree quondam Augustini parmensi et presentibus ementibus et stipulantibus pro se et eorum heredibus ac successoribus, suam appothecam librariam ad insigne capitis Erasmi de ratione ipsius magistri Petri venditoris quam dictimet emptores administrabant positam in confinio S. Iuliani in domibus scholle batutorum Sancte Mariae dela Misericordia. Scilicet omnes libros et sive textus ac volumina librorum venales impressos existentes et qui reperiuntur in dicta appotheca iam visos et particulariter apretiatos concorditer inter eos et cum dicto insigni capitis Erasmi et aviamento ac omnibus rebus et fulcimentis suis prout reperiunt in presentiarum, et quos omnes libros textus et res ut supra fidem emptores vocaverunt se habere penes se et in eorum potestatem. Ad habendum de cetero per dictos emptores tenendum possidendum vendendum donandum obligandum et alienandum ac quicquid de inceps prefatis emptoribus cum suis heredibus et successoribus placuerit faciendum et disponendum de predictis rebus et bonis per eos ut supra emptiis tamquam de re propria sive alicuius contradictione. Ponens eos in locum ius statum et esse suum ut in rem propriam de premissis omnibus. Et hoc nominatim pro pretio et mercato scutorum quadrigentorum auri a sole ad rationem librarum sex et soldorum quindecim parvorum pro singulo scuto computatis etiam in dicta summa scutorum 400 scutis triginta tribus de quibus prefata appotheca reperitur creditrix cuiusdam da Ser Iacobi Mazocho librarii alme urbis habitatoris super quodam eius pignore existente penes prefatos emptores: Quos nomatiis scutos quadrigentos pro amontare dicte appothece ut supra vendite prefate Ser Andreas et Ser Vincentius emptores dare debeant ac promesserunt prefato Magistro Petro venditori ibidem presenti et stipulanti obligando se et quemlibet ipsorum in solidum in partem et in totum ad hos terminos et pagas videlicet scutos decem singulo mensem usque ad completam solutionem dictorum scutorum quadrigentorum absque ulla exceptione. Una cum omnibus damnis et expensis quas propterea forsam ipse creditor pateretur propter eorum recuperationem in iudicio et extraquandocunque. Et pro predictis firmiter attendendis et observandis prefati Ser Andreas et Ser Vincentius emptores et debitores obligaverunt et quilibet ipsorum in solidum ut supra obligavit se et heredes ac successores suos et omnia sua bona mobilia et imobilia presentia et futura ubique existentia etiam realiter et personaliter et ad conveniendum et compellendum tam hic Venetiis quam alibi ubique locorum terrarum et fori. Et praesertim predictam appothecam et sive res ac bona ut supra per eos empta et tam presentia quam etiam que pro tempore in ipsa appotheca reperirentur que appotheca et sive que res presentes et futures ut supra per pactum expressum remaneant specialiter obligate et hypothecate eidem magistro Petro venditori et creditori ultra generalem obligationem suprascriptam usque ad integram satisfactionem et observatiam premissorum. Promittens atque conveniens prefatus venditor antedictis emptoribus ut supra stipulantibus de evictione et legitima defensione dictorum bonorum ut supra venditorum adversos quoscumque de iure contradicentes sumptibus suis in iudicio et extra quandocumque. Nec non venditionem [---] cum omnibus in ea contentis firmam et ratam ut supra perpetuo habere tenere attendere et observare ac non contrafacere opponere aut contravenire per se vel alium sive alios modo aliquo ratione vel causa de iure vel de facto in iudicio et extra sub obligatione omnium bonorum suorum mobilium et inmobilium praesentium et futurorum. Ceterum salvis premissis quia prefati emptores adhuc administraverunt sive prefatus Ser Andreas administravit predictam appothecam pro computo prefati magistri Petri. Ideo predictus magister Petrus ex una et prefati Ser Andreas et Ser Vincentius et altera partibus fecerunt et faciunt ac rogaverunt et rogant se ad invicem et vicissim plenam et irrevocabilem securitatem et quietationem de et super omnibus et singulis rationibus et causis habitis quoquomodo insimul ad agendum usque in presentem diem tam circa administrationem dicte appothece factam per dictos emptores quoniam circa eorum mercedem sive salarium aut utilitatem vel lucrum quas vel quod alter ab altero petere poterat vel potuisset ac aliter quomodocumque et qualitercumque. Et hoc fecerunt et faciunt dictes partes quia bene et diligenter visis et calculatis computis et rationibus suis ut dixerunt vocaverunt et vocant se adinvicem tacitos contentos et satisfactos cum bonis et heredibus suis absque ulla exceptione sub mutua obligatione omnium bonorum suorum presentium et futurorum. Actum Venetiis in suprafata appotheca libraria ad insigne capitis Erasmi posita in confinio S. Iuliani in Merzaria presentibus ibidem honoratis viris Ser Martino de Locatellis merzario q. Ser Iacobi et Ser Bonfilio de Bonfiliis quondam Ser Francisci libraio ambobus de predicto confinio sancti Iuliani qui et recognitione fecerunt mihi notario de predictis Ser Andrea et Ser Vincetio debitoribus testibus vocatis et rogatis. Ego Benedictus Solianus notarius rogatus.
Anno nativitatis D. N. Iesu Christi 1538 in dictione undecima Die vero mercurii extodecimo mensis ianuarii suprascriptus magister Petrus venditor confessus fuit ac vocavit e solutum et satisfactum per antea a suprascriptis emptoribus de suprascroptis scutis 400de quibus dicti emptores tenebant ipsi venditori vigore suprascripti [---] pro amontare suprascriptae venditionis sicut etiam de tali solutione dixerunt apparsere de receptione manu Ser Orphei filii et non suprascripti magistri Petri venditoris super quodam libellulo predictorum emptorum que receptiones comprehense intelligantur in [---] inscripto de et super quibus scutis 400 prefatus Magister Petrus quietavit prenominator emptores scilicet prefatum Ser Vincentium ibidem presentem et stipulantem pro se et nomine predicti Andree absentis cum eorum bonis heredibus et successoribus in perpetuum absque ulla exceptione sub obligatione omnium bonorum suorum presentium et futurorum. Actum Veneti in confinibus Bartholomei de Rialto in appotheca chartis ad insigne S. Alovisii praesentibus [--] Ser Iacobo Signolo q. Ser Thome negotiatore in dicta appotheca et Ser Mutio Francisci de’ matolica aromathario in appotheca ad insigne pomi [---] testibus rogatis.
Cfr. Nuovo 1998, pp. 190-92 e cap. I.3